2 Tesalonicenses 2:2 - Jakalteko

² Chiwaltojan teyet machojab subutajo hexiwcan̈, yeb henani hunuxa tzet ye tuꞌ ta chihallax teyet tato istiempohalxa yulbal Comam Jesucristo. Waxan̈ca chihallax teyet ta ay tzet illax yin̈ hacaꞌ wayique, maca hunuxa tzotiꞌ, maca hunu carta chiapni teyet hacojtam han̈on̈an̈ chijatojan̈ chihalni tato ayxayo istzꞌayical yulbal Comam Jesucristo.

2 Tesalonicenses 2:2 ပူးပေါင်းရင်းမြစ်များ

San Mateo 24:24

Yuto ay ebnaj chisbalico isba Cristohal, yeb ay ebnaj chalico isba ischejabo Comam Dios. Chisye ebnaj huntekꞌan yechel yeb cꞌaybalcꞌule yun̈e issubcha anma yu ebnaj. Etza xin chisubchapaxo mac sicꞌbilxa yu Comam Dios yu ebnaj.

San Marcos 13:7

Hayet cheyabeni ta ay howal hecawilal maca nahata, mach chexxiwi yuto yilal yuni huntekꞌan tiꞌ, cat iswejchacan̈ anma, yajaꞌ maẍto istan̈balo huneꞌ yul sat yiban̈kꞌinal tiꞌ.

San Lucas 21:19

Tohol cheyute heba haxinwal chexcolchahi.

San Lucas 21:9

Hayet cheyabeni ta ay howal, yebpaxo yet chꞌah wejna anma howal yin̈ ebnaj yahaw txꞌotxꞌ nime con̈ob, mach chexxiwcan̈ yuto yilal yul huntekꞌan tuꞌ babel, yaj maẍto istan̈balo yiban̈kꞌinal tiꞌ, ẍi Comam.

San Juan 14:1

Yalni Comam Jesús tet ebnaj iscuywom: —Caw mach chicabcon hecꞌul, aweco heyanma yin̈ Comam Dios cat xin heyanipaxico heyanma win̈an.

San Juan 14:27

Wal tinan̈ xin, chiwacanojan akꞌancꞌulal yul heyanma. Huneꞌ akꞌancꞌulal chiwakꞌtiꞌan caw cꞌul, mach hacaꞌ akꞌancꞌulal chakꞌ anma yet yul sat yiban̈kꞌinal tiꞌ. Wal xin mach chicabcon hecꞌul, mach chexxiwpaxoj.

1 Corintios 1:8

Haꞌ Comam Dios chiakꞌni heyip helin̈ban heba masanto yet chihul islahobal tzꞌayic, haxinwal machi istxꞌojal chiilcha teyin̈ yet chul Comam Jesucristo Jahawil.

1 Corintios 14:32

Haꞌ mac chalni tzotiꞌ chitit tet Comam Dios, chisje iscachni isba yet ay mac lan̈an istzoteli,

1 Corintios 7:26

Yul wetan, tato ay hunu naj maẍto yixal, cꞌul ta mach chikꞌ naj yixal, yuto huntekꞌan tiempo bay ayon̈ tinan̈ caw yaꞌtaxa.

Efesios 5:6

Machojab mac chexakꞌni subchaho yu tzotiꞌ caw sucal yehi. Yuton sunil huntekꞌan machiswalil tuꞌ, yuxinto chitit ishowal Comam Dios yiban̈ anma mach chiyijen tzet chala.

1 Tesalonicenses 3:3

Haxinwal machi hunojex chicabconcan̈ hecꞌul yu isyaꞌtajil chihul teyiban̈. Wal xin heyohtaxa tato yilal yecꞌyaꞌ janma yu ej isyaꞌtajil chihul jiban̈.

1 Tesalonicenses 4:15

Yuxinto chijalan̈ huneꞌ cuybanile yet Comam Jesucristo tiꞌ teyet, tato han̈on̈ itzitzon̈ yet chul Comam hunelxa, mach chon̈babito sata anma xalecamtoj.

1 Tesalonicenses 5:2

Hex tiꞌ heyohtaxa yin̈ tzet chu yul Comam, lahan hacaꞌ yet chihul lemna hunu naj elkꞌom yet akꞌbalil, yet tona nahul ay anma, hac tuꞌ xin chiyu yul Comam.

2 Tesalonicenses 2:15

Yuxin hex wuẍtaj hex wanab, toholojab cheyute heba yin̈ Comam, mach checꞌayto cuybanile halbilcano teyet juhan̈ yeb cuybanile jatojan̈ teyet yul carta.

2 Tesalonicenses 3:17

Wal hanin Pablo intiꞌan, han-caw-inan chintzꞌibn̈etojan tato cheyil heba yin̈ hecawil. Inbihan chioc yin̈ huneꞌ hum tiꞌ hacaꞌ chu intzꞌibn̈entojan sunilej incartahan.

Apocalipsis 19:20

Istzablaxayo naj Nokꞌ isbi yeb naj isbalico isba ischejabo Comam Dios, naj yeni nimeta cꞌaybalcꞌule sata naj Nokꞌ isbi. Yu huntekꞌan nimeta cꞌaybalcꞌule isye naj yakꞌ subchaho naj anma yun̈e yalaxico yechel naj Nokꞌ isbi tuꞌ yin̈, yinipaxayo isba anma tet yechel naj. Caw xin itzitz naj Nokꞌ isbi, yeb naj isbalico isba ischejabo Comam Dios iskꞌojlaxto ebnaj xol huneꞌ niman kꞌaꞌ chiah xaj yu azufre.