1 Timoteo 4:14 - Jakalteko

¹⁴ Caw mach chahincꞌuln̈e huneꞌ hahelanil akꞌbil tawet yu Comam Dios, huneꞌ hallaxilto yet yanayo iskꞌab ebnaj anciano tawiban̈.

1 Timoteo 4:14 ပူးပေါင်းရင်းမြစ်များ

Hechos 11:30

Hac tuꞌ yu yinito naj Saulo yeb naj Bernabé huntekꞌan colwal tuꞌ, yakꞌni ebnaj tet ebnaj anciano ay bey Judea.

Hechos 13:3

Lahwi yecꞌtzen ebnaj huneꞌ txah yet mach chon̈waꞌi, yanayo iskꞌab ebnaj yiban̈ iswiꞌ ebnaj cawan̈ tuꞌ. Tzujan tuꞌ xin ischejlaxto ebnaj yu ebnaj.

Hechos 19:6

Lahwi tuꞌ yanahto naj Pablo iskꞌab yiban̈ iswiꞌ ebnaj, hac tuꞌ yu ischahnicano ebnaj Comam Espíritu Santo. Istzabnico ebnaj istzotel yin̈ nan abxubal, chalni ebnaj Tzotiꞌ chitit tet Comam Dios.

Hechos 22:5

Yajaꞌ naj yahawil ebnaj sacerdote, yeb xin sunil ebnaj iswiꞌehal con̈ob yin̈ lahtiꞌ xol ebnaj Israel, caw testigo ebnaj yin̈ huneꞌ tuꞌ yuto haꞌ ebnaj akꞌni huntekꞌan carta wetan yu winitojan tet ebnaj jet con̈ob ay yul con̈ob Damasco. Intohan bey tuꞌ xin, yun̈e insaynayojan ebnaj xachahnayto Comam Jesucristo yul yanma, winitijan ebnaj bey yul con̈ob Jerusalén tiꞌ yu yakꞌlax ecꞌoyaꞌ yanma ebnaj.

Hechos 6:6

Yet lahwi issicꞌlaxilo ebnaj tuꞌ, yilaxto ebnaj sata ebnaj ischejab Comam Jesús, istxahli ebnaj ischejab Comam yin̈ ebnaj, yanayo ebnaj iskꞌab yiban̈ iswiꞌ ebnaj yu isyeniloj ta ischah ebnaj hujwan̈ tuꞌ ismunil yin̈ yet Comam.

Hechos 8:17

Yanayo naj Pedro yeb naj Juan tuꞌ iskꞌab yiban̈ iswiꞌ ebnaj yet istxahli ebnaj. Hac tuꞌ yu ischahnicano ebnaj Comam Espíritu Santo yul yanma.

1 Tesalonicenses 5:19

Mach cheyilo yip Comam Espíritu Santo yul heyanma.

1 Timoteo 1:18

Hach Timoteo, incꞌaholan yin̈ Comam. Chiwaltojan huneꞌ hachejbanil tiꞌ, tato chawihti hawanma tawin̈, hapahnito istxꞌojal hacaꞌ hunu naj soldado mach chixiw yakꞌni howal. Hac tuꞌ chawute haba, cꞌulojabn̈eticꞌa hanabal hacaꞌ yalni huntekꞌan ebnaj tawin̈; Comam Espíritu akꞌni yalaꞌ ebnaj. Aypaxo huntekꞌanxa ebnaj yu mach cꞌulo chiecꞌ yin̈ isnabal yuxinto yilo yanma ebnaj yin̈ Comam.

1 Timoteo 4:15

Aco hawanma yin̈ sunil huntekꞌan chiwaltiꞌan, haxinwal sunil mac chiꞌilni tato hunun tzꞌayic hawikꞌni hawip yin̈ yet Comam.

1 Timoteo 5:17

Haꞌ ebnaj anciano cꞌul yijbali yin̈ ebnaj juẍtaj, yilal niman yelapno ebnaj yul sat ebnaj juẍtaj sunil. Hacticꞌapax tuꞌ ebnaj anciano chipujbanicꞌo Istzotiꞌ Comam Dios, yebpaxo ebnaj chicuywa yin̈ Istzotiꞌ Comam Dios yilal ischahni ebnaj istohol, yeb nimanojab yelapno ye ebnaj yul sat ebnaj juẍtaj.

1 Timoteo 5:19

Mach ton̈ehojabn̈eticꞌa chawabeto yin̈ tzet chal hunu mac chioc akꞌocꞌule tawet yin̈ hunu naj anciano, wal xin yilal ay cawan̈ maca oxwan̈ testigo chihalni ta yeli.

1 Timoteo 5:22

Mach comono chawaco ismunil huno naj juẍta yul iskꞌab yin̈ an̈e yalan̈to maẍto chawil isbeybal naj, haxataxca chꞌelicoj hach hunach chawato haba yin̈ istxꞌojal huneꞌ mac tuꞌ. Wal xin, machojab chawato haba xol tzet ye tuꞌ machiswalil.

1 Timoteo 6:12

Aco yin̈ hacꞌul halahnico hawanico hawanma yin̈ Comam Dios, caw yachyon̈e chawuco yin̈ huneꞌ hasabehal, haꞌ ton hakꞌinal mach istan̈bal. Yu huneꞌ tuꞌ, yuxin awtebilach yu Comam Dios, yeb xin caw cꞌul yu hatakꞌwen yin̈ sat txꞌiꞌal ebnaj tato haꞌ Comam Jesús, haꞌ Jahawil yehicoj.

2 Timoteo 1:6

Yuxin chiwaltojan tawet tato ayachojabn̈eticꞌaco hawanico yip hahelanil yakꞌcano Comam Dios tawet yet wanayo inkꞌaban yiban̈ hawiꞌ.