1 Timoteo 2:8 - Jakalteko

⁸ Yuxinto chiwochehan tato chitxahli ebnaj juẍta ay yul hunun con̈ob. Sajojab yanma ebnaj juẍtaj yet chiyahnican̈ iskꞌab yet chitxahli. Machojab chichiwa iscꞌul, machojabpaxo ishowal yin̈ hunuxa yet anmahil.

1 Timoteo 2:8 ပူးပေါင်းရင်းမြစ်များ

San Mateo 21:21

Yalni Comam tet ebnaj: —Yin̈ caw yeli chiwalan teyet, ta caw cheyaco heyanma yin̈ Comam Dios, machi xin chicabcon hecꞌul, maẍn̈etaj huneꞌ mayu yin̈ teꞌ higuera tiꞌ chisje hewatxꞌeni. Wal xin tato cheyal tet huneꞌ witz tiꞌ: “Heqꞌuilo haba bey tiꞌ cat hato hawanoyto haba xol haꞌ mar,” ta quexchi, chiyij isba tzet cheyala.

San Mateo 5:44

Yajaꞌ wal intiꞌan chiwalan teyet, xahan cheyil mac ayco ishowal teyin̈. Kꞌanwe iscꞌulal Comam Dios yiban̈ macta chexetani.

San Mateo 6:12

Akꞌ nimancꞌulal yin̈ istxꞌojal chicowatxꞌehan̈, hacaꞌ chu jakꞌni nimancꞌulalan̈ yin̈ anma chiwatxꞌen istxꞌojal jin̈an̈.

San Lucas 23:34

Hayet aycan̈ Comam yin̈ culus tuꞌ, yalni hacaꞌ tiꞌ: —Mamin, akꞌ nimancꞌulal yin̈ anma tiꞌ, yuto mach chinachalo yu ta txꞌoj tzet chiswatxꞌe, ẍi Comam. Yoc ebnaj soldado yilweno isba yin̈ mac chiinito xil iskꞌap Comam.

San Lucas 24:50

Lahwi tuꞌ yinito Comam Jesús ebnaj ischejab yul ismajul Betania. Yinican̈ Comam iskꞌab, iskꞌanni Comam iscꞌulal Comam Dios yiban̈ ebnaj ischejab tuꞌ.

San Juan 4:21

Yalni Comam tet ix: —Hach ix ach tiꞌ, ayto sunil tzet chiwaltiꞌan yul hawanma. Chiapni huneꞌ istiempohal yet matxa chexhul heyikꞌayo heba tet Comam Dios bey huneꞌ witz tiꞌ, yeb matxa yilalo chextopaxo bey Jerusalén.

Hechos 10:2

Huneꞌ naj tuꞌ mach Israelo naj, yaj ayco yanma naj yin̈ Comam Dios yeb sunil mac ay bey yatut, caw chiyo isba tet Comam Dios. Caw niman tzettaj ye tuꞌ chissah naj tet anma mebaꞌ Israel. Chi-ticꞌa-txahli naj tet Comam Dios.

Hechos 10:31

Yalni naj wetan: —Cornelio, caw mayabe Comam Dios hatxah yeb isnaniti sunil hacolwal chawakꞌ tet anma mebaꞌ.

Hechos 10:4

Hayet yoc tꞌan̈no naj yin̈ naj ángel, isxiwcan̈ naj, istakꞌwi naj: —¿Tzet chawal Mamin? ẍi naj. Yalni naj ángel tuꞌ xin: —Caw chabe Comam Dios hatxah, caw chilpaxo Comam hacolwal chawakꞌ tet anma mebaꞌ. Mach chicꞌayto huntekꞌan tiꞌ yu Comam.

Hechos 21:5

Yajaꞌ yet yecꞌto hujeb tzꞌayic tuꞌ xin, jelan̈ bey tuꞌ. Sunil ebnaj juẍtaj yeb yixal yeb yuninal hul con̈anocanojan̈ istxam con̈ob bey istiꞌ haꞌ mar, haꞌ tuꞌ xin con̈ay jahnojan̈ cotxahlihan̈ tet Comam Dios.

Hechos 7:60

Yaypaxo jahno naj, istxahlipaxo naj yin̈ caw ip hacaꞌ tiꞌ: —Mamin, mach chawaco huneꞌ tiꞌ ismulo ebnaj, ẍi naj. Yet lahwi yalnicano naj huneꞌ tiꞌ, iscamilo naj.

1 Corintios 7:7

Wal intiꞌan, ay walaꞌan sunil mac chican hacaꞌ wetiꞌan, yajaꞌ nananta conabal hununon̈ yu Comam Dios. Yuto ay mac mach choche chikꞌ yixal, aypaxo mac mach chꞌecꞌ yu tato mach chikꞌ yixal.

2 Corintios 2:14

Jakꞌaꞌ yuchꞌandiosal tet Comam Dios yuto yu Comam Jesucristo yuxin sunilbal tiempo chon̈kꞌoji. Han̈on̈ xin chon̈iskꞌan Comam yu jakꞌni ohtan̈elaxo Istzotiꞌ tet anma. Haꞌ huneꞌ Tzotiꞌ tuꞌ caw sunil bay chipujnatoj, hacaꞌ yecꞌ isxukꞌal sam hunu tzet ye tuꞌ caw xukꞌ sam.

Filipenses 1:12

Hex wuẍtaj, hex wanab, chiwochehan cheyohtan̈eloj tato huntekꞌan isyaꞌtajil chiwiltiꞌan chicolwa yin̈ ispujbalaxicꞌo Tzotiꞌ yet colbanile.

1 Tesalonicenses 1:8

Yu huneꞌ hebeybal tuꞌ pujnacan̈ yabelaxilo Istzotiꞌ Comam, yaj maẍn̈etaj yul ismajul Macedonia yeb Acaya, wal xin caw sunil yulajla con̈ob ohtan̈elaxiloj tato heyayto yul heyanma yin̈ Comam Dios, yuxin matxa tzet wal jalnihan̈ tet anma yin̈ huneꞌ tuꞌ.

1 Timoteo 5:14

Yuxinto chiwochehan tato chimohyi ebix hunix kꞌopoto, ayojab yunin ebix cat yoc ebix yilno yatut; haxinwal machi bay chicawxi anma chon̈cajni yin̈ Istzotiꞌ Comam Dios.

Tito 3:8

Huntekꞌan cuybanile tiꞌ caw yeli, yuxin chiwochehan tato maẍticꞌa chabej hawalni, haxinwal haꞌ mac chiyaco yanma yin̈ Comam Dios, chiyaco yin̈ iscꞌul iswatxꞌen tzet caw cꞌul. Huntekꞌan cuybanile tiꞌ caw cꞌul, caw chicolwa jin̈ cosunil.

Hebreos 10:22

Yuxin hitzojon̈weco yin̈ sunil janma sata Comam Dios, jakꞌaweyto yul janma yin̈ caw isyelal yuto sajxa ye janma yu ischiqꞌuil Comam, matxa istxꞌojal chietanto conabal; yeb xin sajxa ye conimanil yu ha haꞌ caw saj.

Santiago 4:8

Hitzojon̈weco iscꞌatan̈ Comam Dios, haxinwal chihitzico Comam cocꞌatan̈. Hex mulum, tacojab hecꞌul teyin̈ yu istxꞌojal chewatxꞌe, yuto caw yilal hesajn̈en heyanma yul sat Comam Dios. Hacaꞌ hex chito heyocheto yet yul sat yiban̈kꞌinal tiꞌ, cat hexahann̈enpaxo Comam heyalni.

1 Pedro 3:7

Haquexpax tuꞌ hex ichamile hex tiꞌ, cꞌul cheyute heyanma yin̈ heyixal. Ohtan̈eweloj ta lahan ebix hacaꞌ hunu vaso nab ispohi. Ayojab yelapno ye ebix yul hesat yuto lahan cokꞌinal chicochah tet Comam yeb ebix. Yuxin cꞌul cheyute heba yin̈ ebix yun̈e matzet chꞌoc hexolbal yet chexoc txahlo tet Comam.