1 Tesalonicenses 5:6 - Jakalteko

⁶ Yuxin machojab ayoco cowayan̈ hacaꞌ huntekꞌan anma tuꞌ. Wal xin majwahojon̈we yin̈ yulbal Comam, helanojab chijute coba.

1 Tesalonicenses 5:6 ပူးပေါင်းရင်းမြစ်များ

San Mateo 13:25

Yajaꞌ yet akꞌbalil xin yet wayo chu naj, yapni huneꞌ naj ayco ishowal yin̈ naj, istxihnayo naj yin̈atil teꞌ chꞌim hacaꞌ ixim trigo tuꞌ xol ixim, isto naj.

San Mateo 24:42

Caw majwahan̈wej, yuto mach heyohtajo tzet tzꞌayical chinhulan, hanin Heyahaw intiꞌan.

San Mateo 25:13

Yuxin chiwalcanojan teyet, caw helan cheyute heba yuto mach heyohtajoj tzet tzꞌayical yeb tzet orahil chinhulan, ẍi Comam.

San Mateo 25:5

Yajaꞌ xin ecꞌto yorahil yulbal naj chimohyi tuꞌ, caw xin kꞌahan yechman ebix, matxa chitecha wayan̈ yu ebix yuxin waycan̈ ebix sunil.

San Mateo 26:38

Yalni Comam tet ebnaj: —Caw chiwabehan isyaꞌil isbiscꞌulal camical yin̈ wanmahan. Canan̈wecano bey tiꞌ; ¡iwelo hewayan̈ wintajan! ẍi Comam.

San Marcos 13:37

Huntekꞌan tiꞌ, maẍn̈etaj teyet chiwalan, to chiwalpaxojan tet sunil anma. ¡Caw majwahan̈wej! ẍi Comam.

San Lucas 12:37

Caw sakꞌal yet ebnaj chejab elna iswayan̈ yet chꞌapni ispatrón tuꞌ. Chiwalan teyet, caw yin̈ an̈e chishelilo xil iskꞌap naj patrón, cat yawten naj ebnaj waꞌo sat meẍa; haꞌ caw naj chibatxnicꞌo tzet chislo ebnaj tuꞌ.

San Lucas 12:39

Nachaojabilo heyu huntekꞌan tzet chiwaltiꞌan teyet: Hacaꞌ hunu naj yahaw n̈a, kꞌinalo ta yohta naj tzet orahil chꞌapni naj elkꞌom yin̈ yatut, caw chimmajwa naj, machim chischacto naj naj yul yatut.

San Lucas 21:36

Yuxin caw majwan̈wej, txahlan̈we yin̈ sunilbal tiempo, haxinwal chu hecolni heba yalan̈ huntekꞌan tzet chihul tuꞌ, haxinwal mach chexxiw yet chexoc lin̈no insatajan, Hanin Akꞌbilintijan texol yu Comam Dios, ẍi Comam Jesús.

San Lucas 22:46

Yalni Comam tet ebnaj: —¿Tzet yin̈ xin chexwayi? Ahan̈wewanoj, txahlan̈wej haxinwal mach chexaycꞌay yul iskꞌab istxꞌojal, ẍi Comam tet ebnaj.

Hechos 20:31

Caw cheyil heba xin; nawetij tato yin̈ oxeb habil, hunun tzꞌayic yeb hunun akꞌbal, caw quexwiptzenan hununex, ay tiempo caw quinokꞌan yet walnihan teyet.

1 Corintios 15:34

Nachaojabilo heyu yin̈ istxꞌojal bay ayexicoj yeb matxa cheyaco hemul, yuto ayex maẍto heyohtajo Comam Dios. Chiwalan huneꞌ tiꞌ yun̈e hetxꞌixwican̈.

1 Corintios 16:13

Hex wuẍtaj, hex wanab, caw majwahan̈wej, lin̈bawe heba yin̈ huneꞌ bay ayxaco heyanma, caw mach chexxiwi, akꞌwe yip heyanma.

Efesios 2:3

Hacon̈paxtuꞌan̈, han̈on̈ Israel on̈tiꞌan̈, caw hac tuꞌ jute cobahan̈ yet payxa. Tzujanon̈an̈ yinta tzet choche conimanilan̈, chicoyijenan̈ tzet chal conimaniltiꞌan̈, coyijenpaxojan̈ tzet chal conabalan̈. Caw mulum yu cotiticojan̈, yuxin haꞌ hunon̈an̈ ayon̈ticꞌactojan̈ yalan̈ isyaꞌtajil chati Comam Dios, hacaꞌ anma mach ohtan̈eho Comam.

Efesios 5:14

Yuxin chihallax hacaꞌ tiꞌ: Ilo hawayan̈ hach wayan̈to chawu. Ahan̈wano xol camom, cat xin yakꞌni Comam Jesucristo issajilkꞌinal tawet, ẍi.

Efesios 6:18

Caw machojab chebej hetxahli tet Comam Dios, ayojabexn̈eticꞌaco hekꞌanni tet Comam tzettaj iscꞌulal choche Comam Espíritu Santo. Caw nanojabn̈eticꞌa heyu, machojab chexpax teyintaj. Txahlan̈we yin̈ sunil mac ayxaco yul iskꞌab Comam Dios.

Filipenses 4:5

Caw cꞌulchꞌanojab hecꞌul yul sat sunil anma. Hanicꞌxan̈e tiempohal cat yul Comam.

Colosenses 4:2

Txahlan̈we yin̈ sunilbal tiempo, majwahan̈wej, akꞌwe yuchꞌandiosal tet Comam Dios.

1 Tesalonicenses 4:13

Hex wuẍtaj hex wanab, chijochehan̈ tato cheyohtan̈elo tzet chiyakꞌle anma ayxaco yul iskꞌab Comam xalecamtoj, haxinwal mach cheyikꞌ biscꞌulal, hacaꞌ anma machi bay chicawxi iscꞌul.

1 Tesalonicenses 5:10

Yuto Comam Jesucristo cam coseleloj, yuxin waxan̈ca itzitzon̈ maca camomon̈xa yet chihul Comam, hunxan̈e chijucano yeb Comam cosunil.

1 Tesalonicenses 5:8

Walon̈paxo han̈on̈ tiꞌ yeton̈xa issajilkꞌinal, yuxin toholojab chijute conabal. Yilal janico janma yin̈ Comam, yebpaxo xahanojab chijil coba cosunil. Ta hac tuꞌ chijute lahanon̈ hacaꞌ ebnaj soldado chiscol isba yu chꞌen chꞌen pichbilico yin̈ istxam iscꞌul. Hacaꞌojab yehato chꞌen cꞌowiꞌe yin̈ iswiꞌ ebnaj soldado yu iscolni isba, hacojab tuꞌ iscawxi cocꞌul yin̈ cocolbanil.

1 Timoteo 2:15

Yajaꞌ ebix tuꞌ, chicolcha ebix yet chilni ebix yin̈ niẍte yunin, yeb ta chaco yanma ebix yin̈ Comam, yeb ta chisxahann̈e ebix yet anmahil, yeb ta toholn̈eticꞌa yehico ebix yin̈ isyelal Comam Dios, yeb ta chispohilo isba ebix yin̈ istxꞌojal.

1 Timoteo 2:9

Wal ebix janab, yakꞌabico ebix xil iskꞌap hacaꞌ caw yehi yin̈ istoholal, machojab lekꞌtiꞌo chute isba ebix yanico xil iskꞌap. Machojab loloꞌo chutepaxo isba ebix yanico yelawil, hacaꞌ chꞌen oro maca chꞌen perla, maca xilkꞌape caw aycan̈ istohol.

1 Timoteo 3:11

Hac pax tuꞌ xin ebix janab chioc yin̈ huneꞌ munil tiꞌ, cꞌulojab isbeybal ebix yul sat anma. Machojab hobom tzotiꞌ ebix. Nanojabn̈eticꞌa yu ebix yin̈ tzet chiswatxꞌe. Yijemojab chiyute isba ebix yin̈ sunil.

1 Timoteo 3:2

Yajaꞌ haꞌ mac chioc ijbalomal tuꞌ, machojab nino istxꞌojal sata anma, machojab chissay hunuxa ix. Toholojab chiyute isnabal yeb isbeybal, yilal yakꞌni ebnaj bay chiway anma chiecꞌ iscꞌatan̈. Helanojab ebnaj iscuywahi, yeb xin ayojab yelapno yul sat anma.

2 Timoteo 4:5

Yajaꞌ wal hach tiꞌ, toholojabn̈eticꞌa chawute hanabal, techahojab isyaꞌtajil hawu, ecꞌan̈ hawalaꞌcꞌo Tzotiꞌ yet colbanile, yije hamunil tzabiloco hawu.

Tito 2:12

Haꞌ iscꞌulchꞌanil Comam Dios tuꞌ, akꞌni conabaloj tato caw yilal cobejnicano sunil tzet machiswalil, yeb sunil tzet mach cꞌulo chijocheco yul sat yiban̈kꞌinal tiꞌ. Haxa yin̈ istoholal conabal chon̈eqꞌui, yeb cowatxꞌen istoholal, yeb yanico janma yin̈ Comam Dios.

Tito 2:6

Iptze ebnaj juẍta tzehtaj haxinwal toholn̈eticꞌa isnabal ebnaj.

1 Pedro 1:13

Yuxin helanojab cheyute heba, txumwe yin̈ tzet chewatxꞌe, cawxojab hecꞌul yin̈ iscꞌulchꞌanil iscꞌul Comam Dios chakꞌ jet yet chul Comam Jesucristo hunelxa.

1 Pedro 4:7

Lan̈anxa yul istiempohal bay chitan̈ilo sunil tzet ye tuꞌ, yuxin helanojab cheyute heba, itzꞌatn̈eojab henani hetxahli.

1 Pedro 5:8

Caw helan cheyute heba, majwahan̈wej yuto haꞌ naj matzwalil, naj ayco ishowal jin̈, lahan naj hacaꞌ hunu noꞌ balam caw chꞌel yaw yet chꞌecꞌ saywal yin̈ noꞌ meꞌ yu chiscꞌuxaytoj.

Apocalipsis 16:15

Yalni Comam oc xahanbalil hacaꞌ tiꞌ: —Abewe tzet chiwalan, chinapni lemnahan hacaꞌ chiyu yapni hunu elkꞌom. Sakꞌal yet mac chimajwahi yeb chisyaꞌiln̈e xil iskꞌap yun̈e mach chiecꞌ tꞌiltꞌoni cat yel istxꞌixobal sata anma, ẍi Comam.

Apocalipsis 3:2

Tinan̈ xin, iwelo hewayan̈ cat heyocpaxo hewatxꞌen huntekꞌan tzet etza lan̈an istan̈iloj. Yuto chiwilan ta haꞌ tzet chewatxꞌe mach cꞌulo sata Comam Dios.