1 Tesalonicenses 4:10 - Jakalteko

¹⁰ Wohtajan tato caw xahan cheyil sunil macta ayxaco yul iskꞌab Comam ay yul ismajul Macedonia, yajaꞌ chijaltojan̈ teyet tato cam chelahico hexahann̈en heba.

1 Tesalonicenses 4:10 ပူးပေါင်းရင်းမြစ်များ

Romanos 15:26

Yuto ebnaj juẍta yeb ebix janab ay bey Macedonia yeb ay bey Acaya tiꞌ, el yin̈ iscꞌul iscutxbanayo hanicꞌ chꞌen melyu, cat yilaxto chꞌen tet anma mebaꞌ ayxaco yul iskꞌab Comam bey Jerusalén.

Efesios 1:15

Abebilxa wuhan tato caw ayco heyanma yin̈ Comam Jesucristo Jahawil, yeb ta caw xahan cheyil sunil macta yetxa Comam Dios yehi.

Filipenses 1:9

Caw chinkꞌanpaxojan tet Comam Dios yin̈ intxahan tato caw ecꞌna xahan cheyil heba hununex yeb ta caw chiyakꞌ Comam hehelanil yeb henabal.

Colosenses 1:4

yuto jabehan̈ iskꞌumal tato caw ayco heyanma yin̈ Comam Jesucristo, yeb xin tato caw xahan cheyil sunil macta ayxaco yul iskꞌab Comam.

1 Tesalonicenses 1:7

Hac tuꞌ yu heyenilo iscꞌulal yin̈ sat sunil macta ayxaco yul iskꞌab Comam ay bey yul ismajul Macedonia yeb ismajul Acaya.

1 Tesalonicenses 3:12

Haꞌojab Comam chexakꞌni chꞌiboj, yeb yun̈e cam xahan cheyil heba hununex, cat hexahann̈en sunil anma, hacaꞌticꞌa isxahanil chexjilan̈ han̈on̈tiꞌan̈.

1 Tesalonicenses 4:1

Hex wuẍtaj hex wanab, caw hacaꞌticꞌa yu hecuywicano jintajan̈ yin̈ tzet chiyu jakꞌni tzalaho iscꞌul Comam Dios, caw hac tuꞌ cheyute tinan̈. Yuxin chijaltojan̈ cat cotakꞌentojan̈ teyet, hacojtam Comam Jesucristo chihalnito teyet tato chelahico heyakꞌni tzalaho iscꞌul Comam Dios.

2 Tesalonicenses 1:3

Hex wuẍtaj hex wanab, caw yilal chijakꞌan̈ yuchꞌandiosal tet Comam Dios teyin̈, hacaꞌ caw yehi yuto hunun tzꞌayic ischꞌib heyanico heyanma yin̈ Comam Dios, yebpaxo xin caw ecꞌbalto chexahann̈e heba hununex.

2 Tesalonicenses 3:4

Chicawxi cocꞌulan̈ yin̈ Comam Dios tato ayexico heyijen sunil tzet chijalan̈ teyet, yeb ta caw chelahico heyijeni.

2 Pedro 3:18

Wal xin cam ohtan̈ewelo Comam Jesucristo, Cocolomal. Ipojab xin hechꞌib yin̈ iscꞌulchꞌanil iscꞌul Comam hunun tzꞌayic. Yuxin caw nimanojab yelapno ye Comam Cocolomal yul hesat tinan̈, yeb yin̈ sunilbal tiempo. ¡Hacojab tuꞌ!