1 Juan 5:10 - Jakalteko

¹⁰ Mac chianayto yul yanma yin̈ Comam Dios, lan̈an yalni Comam Espíritu Santo yul yanma tato yel chal Comam yin̈ Iscꞌahol. Wal mac mach chianayto yul yanma yin̈ Comam Dios xin, caw lekꞌtiꞌ Comam yul sat, yuto mach chiyayto yul yanma yin̈ tzet chiyal Comam Dios yin̈ Iscꞌahol.

1 Juan 5:10 ပူးပေါင်းရင်းမြစ်များ

San Juan 3:16

Wal xin, caw xahancano ay anma ay yul sat yiban̈kꞌinal tiꞌ yu Comam Dios, yuto yati Comam hunpilan Iscꞌahol coxol, yuxinto macn̈eticꞌa chichahni yul yanma, mach chicꞌaytoj, to caw chischah huneꞌ iskꞌinal mach istan̈bal.

San Juan 3:18

Macn̈eticꞌa chinchahnihan yul yanma, mach chiay isyaꞌtajil yiban̈, wal mac mach chinchahnihan yul yanma xin caw chitocano ismul yiban̈ yuto mach chayto yul yanma win̈an, haninn̈echꞌan Iscꞌahol Comam Dios intiꞌan.

San Juan 3:33

Yaj tato ay mac chichahni tzet chal Comam tuꞌ yul yanma, huneꞌ mac tuꞌ chaco isba yalniloj ta haꞌ tzet chal Comam Dios caw yeli.

San Juan 5:38

Caw maẍto Istzotiꞌ Inmamtuꞌan yul heyanma, yuto mach cheyayto yul heyanma win̈an, wal xin haꞌ Comam Dios an̈eintijan.

Hechos 8:37

Yalni naj Felipe tuꞌ: —Chuhi tato caw yeli chawayto yul hawanma, ẍi naj. Istakꞌwican̈ naj: —Caw chiwayto yul wanmahan tato caw yeli Iscꞌahol Comam Dios ye Comam Jesucristo tuꞌ, ẍi naj.

Romanos 8:16

Haꞌticꞌa Comam Espíritu Santo chalni tet janma tato yuninalxa Comam Dios jehi.

Gálatas 4:1

Ay hunxa yechel chiwalan teyet. Kꞌinalo hunu nichꞌan unin chischah ismajul tet ismam, caw yahawil chuco yin̈ tzet ay ismam tuꞌ, yaj xin yet nichꞌanto caw maẍto yip yin̈ tzet chiakꞌlax ismajulo tuꞌ, to hacaꞌ to chejab yehi.

Gálatas 4:6

Yun̈e isyenilo Comam tato caw yuninalxa Comam jehi, yuxin yati Comam Yespíritu Iscꞌahol yul janma. Yu Yespíritu Comam tuꞌ yuxinto chijal tet Comam Dios yin̈ sunil janma hacaꞌ tiꞌ: “Mam,” con̈chi, yin̈ caw sunil cocꞌul.

Colosenses 3:3

Hayet iscam Comam Jesucristo, han̈-hun-on̈ con̈campaxo yintaj, yuxin coacꞌ kꞌinal yeb Comam Jesucristo caw cꞌuwan yu Comam Dios.

Hebreos 3:12

Yuxin hex wuẍtaj hex wanab, caw cheyil heba, machojab hunujex cheyakꞌ cawxolo heyanma, machojab hunujex chebej heyanico heyanma yin̈ Comam, cat heyinilo heba yin̈ Comam Dios itzitz.

2 Pedro 1:19

Haꞌ huneꞌ tuꞌ xin, caw cam chꞌakꞌni istꞌin̈anil Istzotiꞌ Comam tzꞌibn̈ebilcano yu ebnaj ischejab Comam yet payxa. Yuxin caw cꞌul yuto cheyaco heyanma hecuyni huntekꞌan tzotiꞌ tuꞌ, yuto hacaꞌ hunu lampara sakꞌal ismujli xol kꞌejholo masanto yet lan̈anxa issajbiloj yet chꞌahilo sajbes, hac tuꞌ xin yehi. Haꞌ huneꞌ tuꞌ chimujli yin̈ heyanma masanto chisajbilo yet chꞌahilo tzꞌayic. Haꞌ chal yelapno huneꞌ tzꞌayic tuꞌ, haꞌ ton yet chul Comam Cristo.

1 Juan 1:10

Tato chijala ta machi comul chijacoj, lan̈an jalni ta lekꞌtiꞌ Comam Dios, caw machi Istzotiꞌ Comam yin̈ janma hacaꞌ tuꞌ.

1 Juan 5:1

Mac chianayto yul yanma tato haꞌ Comam Jesús, haꞌ Cristo Cocolomal, caw yuninal Comam Dios yehi. Tato chijoche Comam Dios chijochepaxo Iscꞌahol Comam.

Apocalipsis 12:17

Caw tit ishowal noꞌ dragón tuꞌ yin̈ ix, isto noꞌ yanoco howal yin̈ huntekꞌan yunin ix, haꞌ ton mac chiyijen ischejbanil Comam Dios yeb ebnaj chibeybaln̈e iscuybanil Comam Jesucristo.

Apocalipsis 2:17

¡Maquex cheyabe huntekꞌan tiꞌ akꞌwe heyanma hetxumni yin̈ tzet chal Comam Espíritu tetej mac ayxaco yul iskꞌab Comam! Haꞌ mac chikꞌoji, chiwakꞌan maná islob, huneꞌ ewan yehi, cat wakꞌnihan huneꞌ chꞌen chꞌen caw sajhopon̈e tet bay tzꞌibn̈ebilico huneꞌ bihe caw acꞌto; machi mac ohtan̈e, cachann̈e huneꞌ mac chichahni tuꞌ chiohtan̈eniloj,” ẍi Comam.

Apocalipsis 2:28

cat wakꞌnipaxojan txꞌumel sajbes tet.