1 Corintios 7:5 - Jakalteko

⁵ Yuxin mach chu heman̈cꞌon heyochelen heba hununex, cachan tato lahtiꞌxa ye heyu heman̈cꞌon heba teyet hununex yin̈ hayebo tzꞌayic yu hetxahli tet Comam Dios yin̈ sunil heyanma. Yajaꞌ xin yilal hehunbanpaxo heba hunelxa, yuto cꞌuxantaxca mach chitecha heyu yin̈ tzet choche henimanil, cat yoc naj matzwalil quexyilwenoj cat heyaycꞌayi cat heyanico hemul.

1 Corintios 7:5 ပူးပေါင်းရင်းမြစ်များ

San Mateo 17:21

Yuto huntekꞌan ischejab naj matzwalil tiꞌ, machi el yin̈ anma ta mach chextxahli yeb heyakꞌlen wahil hetxahli tet Comam Dios, ẍi Comam Jesús.

San Mateo 19:11

Istakꞌwi Comam tet ebnaj: —Yajaꞌ mach sunilo mac chiijcha yu yin̈ huneꞌ cheyal tiꞌ, wal xin han̈cꞌan̈e mac yetticꞌa yehi.

San Mateo 4:10

Istakꞌwi Comam: —Ach matzwalil hitzan̈ilo incꞌatan̈an yuto chal yul Yum Comam Dios hacaꞌ tiꞌ: “Iweyo heba tet Comam Dios yuto Heyahawil yeb heDiosal ye Comam, han̈e tet Comam xin cheyije tzet chala,” ẍiayoj, ẍi Comam.

1 Corintios 7:4

Yuto ix ixale matxa yeto isba ix ischuquil, walxinto yetxa yichamil ix yehi. Hacpax tuꞌ naj ichamile, matxa yeto isba naj ischuquil, to yetxa yixal naj yehi.

1 Tesalonicenses 3:5

Caw mach chitecha wuhan wabenan hanicꞌ heyecoj, yuxin inchejtojan naj Timoteo quexistucleꞌ, yun̈e yilni naj hanicꞌ yeco heyanma yin̈ Comam bey tuꞌ. Yuto ayco yin̈ incꞌulan cꞌuxantaxca quexyakꞌ subchaho naj matzwalil yin̈ej istxꞌojal, yuto ta hac tuꞌ nabn̈em con̈munlahan̈ texol chal tuꞌ, yaj machoj.