1 Corintios 15:55 - Jakalteko

⁵⁵ Yuxin hach camical ¿baytuꞌwal ay hahelanil? ¿Baytuꞌwal ay hawip hapotxꞌwahi? ẍiayoj.

1 Corintios 15:55 ပူးပေါင်းရင်းမြစ်များ

San Lucas 16:23

Haxa yet ayxa naj kꞌalom yul cambal, lan̈an xin yecꞌyaꞌ yanma naj bey tuꞌ, istꞌan̈xito naj yilnito naj naj Lázaro iscꞌatan̈ icham Abraham.

Hechos 2:27

Mamin, mach chahincꞌuln̈e wanmahan xol anma camom, mach chawakꞌ kꞌajoꞌto innimanilan xol anma camom tuꞌ, hanin sicꞌbil incan̈an hawu.

Hechos 9:5

Iskꞌamben naj: —Mamin, ¿mac anmahil hach? ẍi naj Saulo tuꞌ. Istakꞌwi huneꞌ yul nukꞌe tuꞌ tet naj: —Hanintiꞌan Jesús inan, caw ayachico quinhatzumbenicꞌojan, yaj ton̈e chawakꞌ lahwo haba hacaꞌ chu islahwi hunu noꞌ wacax chixan̈wa yin̈ hunu te teꞌ kꞌakꞌiꞌ iswiꞌ, ẍi huneꞌ tuꞌ.

Romanos 5:14

Anma yin̈ istiempohal naj Adán masanta yin̈ istiempohal yet yakꞌlax ley tet naj Moisés, hul camical yiban̈ anma yuto yaco ismul, waxan̈ca xin mach lahano ismul anma tuꞌ hacaꞌ ismul naj Adán, yuto isman̈cꞌo naj huneꞌ chejbanile yakꞌ Comam Dios. Naj Adán tuꞌ yechel huneꞌ mac hul yin̈ tzujanilxa ye naj, yajaꞌ xin mach lahano tzet yakꞌcano hunun ebnaj jet.

1 Corintios 15:56

Haꞌ mule chon̈yakꞌ camoj, wal isley Comam Dios xin ip yanico isyaꞌtajil jiban̈.

Apocalipsis 9:10

Wal isn̈e noꞌ lahan jilni hacaꞌ isn̈e noꞌ cꞌolotx, nohnaco istzahwal noꞌ yin̈. Haꞌ xin isn̈e noꞌ tuꞌ ay yip yakꞌni ecꞌoyaꞌ yanma anma yulbal howeb ixahaw.