Yowaho faina 1:7 - Deoso-ka Yama Hani

⁷ Yeso Kirisito ati ene mai tokineni, Deoso tamine‑ya mai hiyarabonehe. Deoso ati‑ya mai nofara mai‑ka yinero‑ya mai kayafaterani.

Yowaho faina 1:7 ပူးပေါင်းရင်းမြစ်များ

Yowaho 15:21

Owa‑ya yose‑mari‑ya mai watora, owa‑ya mai nofi awirani. Fara dai‑ya mai bisinaboneni.

Yeso‑ka yo‑yose mai tamine 20:33

Dai‑ya osawe, dai‑ka yinero, dai‑ka barata, dai‑ka oro, dai‑ka bora na‑ya okayaterani.

Yeso‑ka yo‑yose mai tamine 20:35

Dai yofi·okana, yama‑ya ani·ona, dai kiyana, dai okasoma, onamaro, owa‑nima dai niyahi. Dai yofi·okanani. Yeso ati‑ya dai ati kadamowamariyahi. ‘Yama‑ya dai‑ya mai daana, Deoso dai‑ya kasomi bi‑bidi, yama‑ya dai daana, Deoso dai‑ya kasomi ba‑basi nibisane.’ Yeso ati nemona,” Baoro ati nemarine.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Yeso‑ka yo‑yose mai tamine 8:4

Tabora bide‑ya mai toka, Yeso ati‑ya mai kaminamoneni.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Korito daidi 9:18

Hini yamata‑ya owa manakone tohibati? Yama manakone haa·ora ihi ya‑yai·ona, fara hini owa ya‑yainiya, owa manakone tohateni.

Korito yoto‑ke 12:13

Mai one tabori‑ya Deoso ati okamini‑nima dai tabaro‑ya owina, Deoso ati dai‑ya okamina, hiniya dai tabaro‑ya owa tefe‑ba haa·orihi, amo·obone‑ka yama haarihi, onamaro, fara ihi dai ati yawa awineni. Owa‑ya dai ati somawamahi.

Korito yoto‑ke 4:5

Oda tamine‑ya oda kaminara. Yeso Kirisito ai‑ka Hidi ati oda kaminabise, Yeso ene dai‑ka yo‑yose oda toha, Yeso ati dai nofahi.

Firibo 2:9

Deoso ati nafi‑ya Kirisito tokadabe, Deoso hiwakamane neme‑ya. “Mai one amosarani. Yeso‑ta amosabotebisa amane.” Deoso ati nematane.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Yowaho faina 1:8

Deoso ati‑ya ai no‑nofa yinero ai daanibisahi, mai‑ka yinero‑bonaha. Mai ai kasoma, mai manakone amosa kote ai kayafaboneni.

Yeso Kirisito ene‑bona 2:3

Deoso‑ya mai nofara dai‑ya mai weeniya, dai winitonami awirani. Owa dai nofa ihi Deoso hawine bai‑ya dai maakani awirani.