Yowaho faina 1:4 - Deoso-ka Yama Hani

⁴ Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.

Yowaho faina 1:4 ပူးပေါင်းရင်းမြစ်များ

Korito yoto‑ke 6:13

Oka madehe‑nima dai na, dai oda nofi‑nima oda dai nofahi.

Karatiya 2:14

I‑di Bedoro, Banabe mai fama mai ihi amosara, Deoso Ati Amosabote ati‑nima mai namara, i‑di Bedoro wee·owahani, mai dama owati‑ya mai mita, “Bedoro, Yodeo amatini. Yeso tinofawahamaro, Yodeo mai‑nima tini awira. Bara Yeso ati‑ya mai nofawaha, hini yama‑bone Yodeo mai‑nima mai nabone mai mai hina? Yodeo mai‑nima mai ni awiraboneni.

Karatiya 4:19

Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.

Tesaronika daidi 2:11

Ai‑ka abi ai‑ya kanawatotene. Dai‑ka abi‑nima oda na, Deoso ati‑ya dai oda kanawatoteni.

Timoti daidi 1:2

Timoti, tika yama hani‑bone okanahanoneni. Yeso tamine hibati‑ya ohiyare, tamine tinofa, tiwa oka dao onamaroni. Ai‑ka Abi, i‑di Deoso, ai‑ka Ayo i‑di Yeso Kirisito ne, tiwa‑ya mai kasoma, tiwatibodi ati tiwa‑ya somateni.

Timoti yoto‑ke 1:2

Timoti, tiwa oka dao onamaro, tiwa onofa, tika yama hani‑bone okanahanoneni. Ai‑ka Abi i‑di Deoso, ai‑ka Ayo i‑di Yeso Kirisito ne tiwa‑ya mai kasoma, tiwatibodi ati tiwa‑ya soma teni.

Firimo 1:10

I‑di Onesimo tikanikemona tamine timitiyahi. Oka dao owa‑nima Onesimo nawawahane. Kadeya‑ya owaa, Yeso Kirisito Ati Amosabote‑ya i‑di Onesimo‑ya okamina, Yeso ati‑ya Onesimo nofawahe, fare oka dao tohawahene.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho yoto‑ke 1:4

Ai‑ka Abi i‑di Deoso ati‑ya mai kaminamaro, mai ati‑ya tika madehe tokadaba mai ihi ya‑yai·oneni.