Yowaho faina 1:11 - Deoso-ka Yama Hani

¹¹ Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.

Yowaho faina 1:11 ပူးပေါင်းရင်းမြစ်များ

Yowaho 10:27

Oka kaneiro mai owatoni. Owati‑ya mai nofa, owa‑ya mai tokomakiteni.

Yowaho 12:26

Owa‑ya dai narifabone dai ati na, owa ene‑nima dai ene nahi. Owa‑ya dai narifa osawi‑kaya dai sawebone, Okobi dai‑ya kahiyarebonane.” Yeso ati nemarine.

Yowaho 3:20

Yama wahi‑nima ne‑ya mai nofara, yama soki‑ya mai nofabisa, hini mai ihi towe watowami‑ya mai nofarani.

Korito daidi 11:1

Kirisito‑nima oteni. Owa‑nima dai niyahi.

Korito daidi 4:16

Dai‑ka abi‑nima ona, owa ene‑nima dai ene nahi.

Efesiyo 5:1

Ai‑ka abi bofe‑ke ai‑ya nofe, ene‑nima ai ene teni. Fare‑nima dai‑ka Abi i‑di Deoso dai‑ya nofi nafi, ene‑nima dai ene nahi.

Firibo 3:17

Oka soho dai toha, owa ene‑nima dai ene nahi. Owa ene‑nima mai ihi na dai kakatoma, mai ihi‑nima dai ene naboneni.

Tesaronika daidi 1:6

Oda‑nima dai nawaha, i‑di Yeso‑nima dai nawahamaroni. Yeso ati dai no‑nofa, dai‑ya mai bisina, dai yawara, dai ya‑yaina, Deoso‑ka Doni dai‑ya sawi ene dai ya‑yainawahamaroni.

Tesaronika daidi 2:14

Deoso‑ka mai toha Yodeya‑ya mai wina mai‑nima dai nawahani. Yeso Kirisito ati‑ya Yodeo mai nofa mai‑ya Yodeo mai one bisina, fara mai‑nima Yeso ati‑ya dai nofa dai‑ya dai one bisineni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Ebereo 6:12

Dai refo tohariyahi. Deoso ati‑ya mai nofamete, Deoso mai‑ya kasomebona ati ne, Deoso‑ya mai nimanameteni. Mai ihi amosamete mai ihi‑nima dai ene niya, yama amosa‑ya Deoso dai‑ya daanebonane. Yama amosa dai kayafabone, dai ene amosahi.

Bedoro daidi 3:11

Dai ya‑yainabone dai ati na, dai ene‑maro‑nima dai ene namara, dai ene amosawaha, mai ibi weena, dai ati ene mai ibi ati somawamahi.

Bedoro daidi 3:13

Dai ene amosabone dai nokotonihe, ebeni‑ke dai‑ya bisinabonati?

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:10

Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.