Yowaho faina 1:10 - Deoso-ka Yama Hani

¹⁰ Okomiya, owati‑ya mitebonane. Oda tamine‑ya keyehe‑ya hiritene. Deoso ati‑ya mai ka‑kamina, i‑di Di·oterefesi tabaro‑ya mai toka, mai‑ya natafare, i‑di Di·oterefesi‑ka mai one mai‑ya mai natafabone mai ati na, mai‑ya i‑di Di·oterefesi ati baritene. “Mai dai natafiya, oda‑ya dai dabamaraboneni.” Ati tene.

Yowaho faina 1:10 ပူးပေါင်းရင်းမြစ်များ

Roka 6:22

Dai‑ka Ayo neme‑ke‑ya dai nofa ihi dai‑ya mai kako, dai‑ya mai kananihe, dai‑ya mai wee na, Deoso dai‑ya kasomebona,

Yowaho 9:22

Oda‑ka hidi mai‑ya mai nayofinameteni. Hibati‑ya oda‑ka hidi mai ati yanana, “Yeso i‑di Deoso‑ka Ka‑kadika‑mona mai one ati na, Deoso‑ya mai hi‑hiyara‑ke yobe‑ya mai tokiyomamaraboneni.” Oda‑ka hidi mai ati nameteni.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Korito yoto‑ke 13:2

Dai tabaro‑ya oka, mai ihi amosara mai‑ya haa·ona, “Dai ene‑maro‑nima dai ene namariyahi.” Onamaro, Hini owati‑maro‑nima yama hani‑ya owati namatasaboneni. Dai tabaro‑ya kobo·onamatasiya, mai ihi amosaramaro, mai ihi amosanasa ra, owa ene‑ya mai awawahaboneni.

Karatiya 6:10

Yama‑ya mai kihara mai dai kasomahi. Dai‑ka yama dama, dai one‑ka yama‑ba dai daanahi. Yeso ati‑ya mai nofara mai dai kasomi bi‑bidi, Yeso ati‑ya mai no‑nofa mai dai kasomi ba‑basi nahi.

Timoti daidi 5:13

Deoso‑ka yinero kote‑ya mai tikasomiya, yama‑ya mai anini awiraboneni. Hini mai one tabori‑ya mai one tamine‑mone‑ya mai hiyaraboneni. Mai ati towe tohawahaboneni.

Yowaho yoto‑ke 1:10

Tika yobe‑ya mai kake, Deoso ati‑mari‑nima mai ati ni awiriya, tika yobe‑ya mai tokiyomarihi, mai tafe‑ba daatirihi, tinahi.

Yowaho yoto‑ke 1:12

Owati damabone ona, yama okanahana, owati dami awirini. Tiwa awi onofa, tiwa tabaro‑ya kobo·onabone ona, tiwa tabaro kobo·oniya, tiwa oawiya, ai hiyariya, ai ya‑yainaboneni.

Yowaho faina 1:3

Tiwa tamine‑ya ai‑ka mai one kamina, ya‑yai·oneni. Deoso ati tikadaba, Deoso ati‑nima tinamone mai ati na, mai ati ihi ya‑yai·oneni.

Yowaho faina 1:5

Tiwa ene amosa, Deoso‑ka mai tikasoma, hibati‑ya mai tiwatora, Deoso ati‑ya mai ka‑kamina mai tikasoma titeni.