Yowaho daidi 5:4 - Deoso-ka Yama Hani

⁴ Deoso bidi ai toha, Deoso ati‑ya ai nofa Satanasi ati‑ya ai nofarani.

Yowaho daidi 5:4 ပူးပေါင်းရင်းမြစ်များ

Yowaho 1:13

Deoso bidi ai tohabone, fana dori‑ya ai wadamatasi awiramaroni. Ai owa ene tohi awire, Deoso hini ene bidi ai tohawahamaroni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yowaho 3:3

“Owati amosabote timitahi. Mai wadamatasara Deoso ai nafi‑ka hidi kitabote tohawahebona‑ya mai sawiraboneni.” Yeso ati nemarine.

Korito daidi 15:57

Deoso‑ya ai kahiyarahi. Deoso ene ai‑ka Ayo Yeso Kirisito ai manakone‑ya nanahabane, ai abarabonehe.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:9

Deoso bidi ai toha, ai ene towe hinama tohateraboneni. Ai‑ka abi ene‑nima ai ene nabone, Deoso bidi ai toha, ai ene amosawamaboneni.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:18

Deoso bidi ai toha, mahi‑nima ai ene amosara hinama toha terani. Deoso Bidi ai‑ya nawade, Satanasi ai‑ya kayafaterebonane.

Yowaho daidi 5:5

“Deoso Bidi i‑di Yeso amane.” Ai ati na, Satanasi ati‑ya ai nofarani. Yeso ati‑ya mai nofara, Satanasi ati‑ya mai nofateni.

Yeso Kirisito ene‑bona 12:11

‘Yeso ati‑ya dai nofa dai hiyari fawani awiriya, dai‑ya oda nanahababoneni.’ Satanasi‑ka mai one ati nineni. ‘Oda aba, oda sibaraboneni.’ Mai ati namaroni. Kaneiro Bidi emene ene mai kita, Deoso oni‑ya mai saatonakosi awira ihi Satanasi kiti wadami awirane.

Yeso Kirisito ene‑bona 15:2

Faha webote‑nima na oawani. Fara kahafa‑ka yama ai awa awi‑nima yama awi na, dori‑ya yifo hirini awi‑nima nani. Fara mese‑ya mai nahore, Deoso‑ka araba‑ya mai akani. Fara Bani Hame faha‑ke‑ya mai kahiyararihi, korimari‑ya mai kahiyararihi, oni nomero‑ya mai kobobokanirihi, mai na, kahafa‑nima yama na mese‑ya mai nahoreni.

Yeso Kirisito ene‑bona 2:11

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Deoso‑ka hawi bai‑ya dai maanamara, dai amosineni. Yama kome fawarabone‑kaya dai tokaraboneni.” Ati nene.

Yeso Kirisito ene‑bona 2:17

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Deoso‑ka baho oni mana toha, hibati‑ya kemamaro, fara mai‑ya daa·onaboneni. Mai‑ka yati bide sawa‑ba daa·onaboneni. Yati bide mese‑ya mai oni yati okanahanaboneni. Mai oni yati mai one hiwatoraboneni.” Ati nene.

Yeso Kirisito ene‑bona 2:26

Deoso‑ka hawi bai‑ya dai maanamara, owa ene‑nima dai ene na, dai okasomaboneni. Bofe‑ka mai dami‑ka hidi dai tohawahaboneni.

Yeso Kirisito ene‑bona 2:7

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Owati ihi ai abarabone‑ka awa bono‑ya mai kababoneni. Deoso tabaro amose bai‑ya awa bono ade waineni.” Ati nene.

Yeso Kirisito ene‑bona 3:12

Dai maakani awiriya, Deoso‑ka yobe fowari ewene‑nima dai nabone, Deoso‑ya dai sawiteboneni. Oka Deoso oni‑ya dai‑ya okanahanowahaboneni. Owa oni yati‑ya dai‑ya okanahanowahaboneni. Oka Deoso tabaro oni‑ya dai‑ya okanahanowahaboneni. Deoso tabaro oni Yerosare yati tohineni. Fara oka Deoso tabora‑ya yanana, bofe‑ya kisaboneni.

Yeso Kirisito ene‑bona 3:21

Bofe‑ya osawemaro, hawi bai‑ya maa·okani awiramaroni. Makobote Okobi owa‑ya yose, yama nafi‑ka hidi ohawahineni. Hawi bai‑ya dai maakani awiriya, dai‑ya oyosemakebone, mai‑ka hidi bidi dai tohawahaboneni.

Yeso Kirisito ene‑bona 3:5

Hawi bai‑ya dai maanamara, dai amosineni. Bora sawa‑ya dai sakonabone, Deoso tabaro‑ya dai sawebone, dai abarabone‑ka yama hani‑ya dai oni kawaneni. Dai oni abaraboneni. ‘Oka mai amani.’ Onaboneni. Okobi, Okobi‑ka yo‑yose mai toha, mai na, mai‑ya okaminaboneni.