Yowaho daidi 5:18 - Deoso-ka Yama Hani

¹⁸ Deoso bidi ai toha, mahi‑nima ai ene amosara hinama toha terani. Deoso Bidi ai‑ya nawade, Satanasi ai‑ya kayafaterebonane.

Yowaho daidi 5:18 ပူးပေါင်းရင်းမြစ်များ

Mateo 5:37

Dai ati amosa hinama tohahi. Keyehe‑ya dai hiririyahi. Satanasi ati ene keyehe‑ya dai hiriteni. Satanasi ati‑nima dai ati riyahi.” Yeso ati nemarine.

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Yowaho 1:13

Deoso bidi ai tohabone, fana dori‑ya ai wadamatasi awiramaroni. Ai owa ene tohi awire, Deoso hini ene bidi ai tohawahamaroni.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 15:4

Owa dai nokotoniyahi. Owa dai nokotoniya, dai okasomaboneni. Ofa ini ade‑ya waanamariya, bonoteraboneni. Dai‑ya okasomariya, dai ene amosa wadateraboneni.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 15:9

Okobi owa‑ya nofi‑nima dai‑ya onofineni. Owati dai tokadabahi, dai‑ya owa nofi fawaraboneni.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:12

I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.

Yowaho daidi 3:9

Deoso bidi ai toha, ai ene towe hinama tohateraboneni. Ai‑ka abi ene‑nima ai ene nabone, Deoso bidi ai toha, ai ene amosawamaboneni.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:15

Ai ati‑ya Deoso miteya, ai ati‑nima yama na‑ya daanebona ai watoneni.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yowaho daidi 5:21

Deoso yokana dai nokotonibisahi. Bara mai dai nokotoniriyahi. Feye amani.

Yowaho daidi 5:4

Deoso bidi ai toha, Deoso ati‑ya ai nofa Satanasi ati‑ya ai nofarani.

Yoda‑ka yama hani 1:21

Deoso dai‑ya nofe, ati dai tokadabahi. Ati dai tokadabeya, dai‑ya kasomebonane. Makobote Deoso tabaro‑ya Yeso Kirisito ai‑ka Hidi dai‑ya towakamebona, dai abamateraboneni.

Yoda‑ka yama hani 1:24

Deoso dai‑ya kasomayaho, dai ene amosabone, Yeso hawine‑ya dai taratokara, Yeso‑ya dai koboni amosaboneni. Yeso amose dai awiya, dai ya‑yaina, “Dai ene amosini.” Ati nebonane.

Yeso Kirisito ene‑bona 2:13

Dai ene nafi owatoneni. Dai wini‑kaya Satanasi ati‑ya mai dami tokadabineni. Anitibasi dai‑ya sawimari, owa oni‑ya saatonakosi awiremari ene Anitibasi‑ya mai one nanahabani. Anitibasi‑ya mai nanahabiya, owa oni‑ya dai saatonakosi awirani.