Yowaho daidi 5:14 - Deoso-ka Yama Hani

¹⁴ Deoso‑ya ai hiyara, yama hinofa‑ya ai ati toha, ai ati‑ya mite ai watotene.

Yowaho daidi 5:14 ပူးပေါင်းရင်းမြစ်များ

Mateo 21:22

Deoso ati dai nofiya, Deoso dai haaniya, dai ati‑nima yama naboneni.” Yeso ati nemarine.

Yowaho 11:42

Owati timitateni. Yama‑ya mai watobone‑ka owati amani. Owa tiyosemaro, owa‑ya mai watowahaboneni.” Yeso ati nemarine.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 16:24

Hibati‑ya Deoso dai haanabone, owa oni‑ya dai hiriramaroni. Oka dai toha Deoso‑ya dai haanahi. Yama dai haana‑ya Deoso daanebonane. Dai ya‑yaini nafeboneni.

Yowaho 9:31

Deoso ati‑ya mai tokadabara mai ati‑ya Deoso mitaterene. Deoso ati‑ya mai nofa, ati mai hikadaba hine mai ati‑ya Deoso mitabisatene.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Ebereo 10:35

Dai habo siitoriyahi. Deoso dai manakone amosabote‑ya daanebonane.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Tiyako 4:3

Dai atibodi bote yama ati kobohina, dai haana‑ya Deoso daarene, dai atibodi bote ati dai tokadabarabonehe.

Tiyako 5:16

Dai one‑ya dai ene amosara dai tamine dai kaminahi. Dai ibi tamine Deoso‑ya hiyarahi. Dai‑ya Deoso nakitamebona, dai hiyaraho. Mai ihi amosa, Deoso‑ya mai hiyariya, mai ati ihi kita, mai ati ihi dama teni.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.