Yowaho daidi 4:9 - Deoso-ka Yama Hani

⁹ Deoso ene ai wato, ai‑ya nofe ai wato ne. Ai‑ya nofi nafi Bidi ohari‑ya daanemarine, ai manakone‑ya nanahabe, ai abarabonehe.

Yowaho daidi 4:9 ပူးပေါင်းရင်းမြစ်များ

Maroko 12:6

Ofa hidi hika fai‑ya mai na‑narifa mai one‑ya yosere, bidi‑ya yosebisane. Bidi‑ya nofi nafi, ‘Oka dao ati‑ya mai nofabisaboneni.’ Ofa hidi atibodi ati nene.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Yowaho 3:18

Bidi ati mai hinofeya, mai ihi towe manakone wadamarani. Deoso Bidi ati‑ya mai nofara mai ihi manakone hasinasa neni. Deoso Bidi yokana oharine.

Yowaho 5:23

Owa‑ya yosemari ene Okobi‑ya mai kahiyari‑nima owa‑ya mai kahiyarahareboneni. Owa‑ya mai kahiyari awira, Okobi owa‑ya yose‑mari‑ya mai kahiyaraharirani.

Yowaho 6:29

“Deoso ati‑nima dai nabone, Deoso hiyosemari ati dai nofahi.” Yeso ati nemarine.

Yowaho 6:51

Neme‑ya okisamaroni. Baho‑nima ona ama·oni. Oka baho‑ya mai kaba, mai abateraboneni. Bofe‑ya dai wi‑wina dai‑ya okasomabone, oka baho daa·onaboneni. Oka baho owa eme tamine amani.” Yeso ati nemarine.

Yowaho 6:57

Okobi abarene. Okobi owa‑ya yosemari, Okobi ene o·abaharirani. Owa eme‑ya mai kaba, owa ene mai abahariraboneni.

Yowaho 8:29

Owa hari terani. Owa‑ya yose‑mari owa‑ya famatene. Okobi yama hinofa‑nima oteni.” Yeso ati nemarine.

Yowaho 8:42

“Dai‑ka Abi Deoso tohe‑mana, owa‑ya dai nofa neni. Deoso oda famamaro, dai tabaro‑ya okemaroni. Hiniya oki awira, owa‑ya Deoso yosemarine.

Yowaho 9:3

“Mai ihi tohi awirini. Deoso ene dai awebona ene maki yama‑ya awaremarine.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Ebereo 1:5

Deoso Bidi‑ya hiyare, “Oka dao amatini. Tika abi ama·oni.” Deoso ati nematane. Bidi tamine‑ya hiyare, “Oka dao tohe, owa‑ya abi nebonane.” Deoso‑ka yama hani ati nineni. Haa‑nima hika yo‑yose‑ya hiyaraterene.

Yowaho daidi 3:16

Deoso ai‑ya nofa, Yeso ai‑ya nofa ne, ai manakone‑ya nanahabemarine. Yeso ene ai awa, ai‑ya nofe‑ya ai watowahineni. Yeso ene‑nima ai ene na, ai‑ka mai ihi ai aba, ai sibaraboneni.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yowaho daidi 4:16

Deoso ene oda awemari, oda nafi‑ya nofe oda watowahane. Ai nafi‑ya Deoso nofe, fare‑nima mai ai nofa, Deoso‑ka ai toha, ai atibodi‑ya sawitene.

Yowaho daidi 5:11

Deoso ene ai abaterabone, Bidi ati ai nofeya, ati nemarine.

Yowaho daidi 5:13

Deoso Bidi ati dai no‑nofa dai‑ya okanahanabone, dai abaterabone dai watowahaboneni.