Yowaho daidi 4:6 - Deoso-ka Yama Hani

⁶ Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yowaho daidi 4:6 ပူးပေါင်းရင်းမြစ်များ

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 10:16

Mai tabori one‑ya oka kaneiro mai one toha, mai onakamaboneni. Owati‑ya mai mitaboneni. Oka kaneiro mai one‑ya mai yoro·okanihebone, mai‑ya na‑nawada owa hare boneni.

Yowaho 10:27

Oka kaneiro mai owatoni. Owati‑ya mai nofa, owa‑ya mai tokomakiteni.

Yowaho 10:3

Kaneiro mai nokobiri‑ya wa‑waa kaneiro mai‑ka hidi‑ya awe, nokobi‑ya seekane, mai‑ka hidi yananeya, kaneiro mai oni‑ya mai‑ka hidi haaneya, hidi‑ya mai tokomakiteni.

Yowaho 13:20

Owati amosabote dai mitahi. Hiyose ati mai hinofeya, owati‑ya mai nofahariteni. Owati‑ya mai nofiya, owa‑ya yose‑mari ati‑ya mai nofahariteni.” Yeso ati nemarine.

Yowaho 14:17

Deoso‑ka Doni Deoso ati yokana‑ya ka‑kamina amane. Bofe‑ka Deoso‑ka Doni‑ya mai awarihi, Deoso‑ka Doni‑ya mai watorihi na, fara ihi mai hinofarebonane. Dai‑ta Deoso‑ka Doni dai‑ya dabe, dai‑ya foyawahebonane.

Yowaho 15:26

Deoso‑ka Doni Deoso ati yokana‑ya ka‑kamina amane. Okobi‑ya okomiya, dai‑ya kasomebona oyoseya, dai‑ya koboneya, owa tamine‑ya kaminebonane.

Yowaho 16:13

Deoso‑ka Doni Deoso ati yokana‑ya ka‑kamina koboneya, Deoso ati nafi‑ya yofikanebonane. Hini ati ene ati yanani awirebona, yama himita‑ya kaminabisebonane. Yama nabone tamine‑ya kaminebonane.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Yowaho 20:21

“‘Deoso dai‑ya kasomayaho.’ Oneni. Okobi owa‑ya yosemari‑nima dai‑ya oyosewahineni.” Yeso ati nemarine.

Yowaho 8:19

“Ebeni‑kaya abi sawiti?” Mai ati na, “Owa‑ya dai watora, Okobi‑ya dai watoharirani. Owa‑ya dai wata‑mani, Okobi dai watohare neni.” Yeso ati nemarine.

Yowaho 8:23

“Bofe‑ya dai yana, bofe‑ka dai amani. Neme‑ya yana·obisa, bofe‑ka ohi awirini.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 11:8

“Mai atibodi kita Deoso ene nokobisa‑ka ai‑nima mai na, Deoso ene‑ya mai awa, yama‑ya mai watorihi, ati mai himite, ati mai hiwatorihi hine.” Deoso‑ka yama hani ati nineni.

Korito daidi 14:37

Deoso ati‑ya dai mi‑mita dai toha, Deoso ati dai wato na, Deoso ati okamine dai watoneni.

Korito yoto‑ke 10:7

Owa mese‑ta dai awa, owatibodi dai awara, Kirisito‑ka dai toha‑mone, owa‑ta Kirisito‑ka ohara‑mone dai ati na awineni. Dai atibodi dai kadikamatasahi. Kirisito‑ka‑hari ama·ona dai awaboneni.

Tesaronika yoto‑ke 1:8

Yeso kameya, mai ihi amosara mai manakone‑ya daaneya, yifo hirina‑nima yama kome na‑ya mai kayafaboneni. Deoso‑ya mai watora, Yeso Kirisito Ati Amosabote‑ya mai nofara, haa‑nima mai manakone tohaboneni.

Timoti daidi 4:1

Deoso‑ka Doni ati dai mitahi. Yeso kami yakari‑ya Yeso ati‑ya mai ati nofa, ati‑ya mai ati nofami awiraboneni. Madi mai ati‑ya mai nofawaha, madi mai ati‑nima mai nawahaboneni.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Yowaho daidi 4:8

Mai ai nofara, Deoso ai watoterani. Deoso ai nafi‑ya nofatene.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yoda‑ka yama hani 1:17

Oka dai toha, Yeso Kirisito ai‑ka Hidi‑ka yo‑yose dai‑ya mai hiyaramaro, mai ati‑ya dai ati kadamowamariyahi.