Yowaho daidi 4:17 - Deoso-ka Yama Hani

¹⁷ Deoso ai atibodi‑ya sawi, mai ai nofa na, ai ene‑ya Deoso kadikeya, ai korikasaraboneni. Bofe‑ya ai wi‑wina Deoso ene‑nima ai ene na ai korikasaterani.

Yowaho daidi 4:17 ပူးပေါင်းရင်းမြစ်များ

Mateo 10:15

“Owati amosabote dai mitamatasahi. Ai nafi ene‑ya Deoso kadikeya, mai‑ya weeni kitebonane. Hibati‑ya Sodoma‑ya mai wi‑wina, Komora‑ya mai wi‑wina, mai na, Deoso mai‑ya nanahabematane. Ai nafi ene‑ya Deoso kadikeya, mai‑ya weenamatasebonane. Dai ati‑ya mai nofara mai‑ya Deoso bisini kitabisebonane.

Mateo 10:25

Dai‑ka hidi‑nima dai‑ya mai ni‑ya yama sibaraboneni. Dai‑ka hidi‑ya mai nofara, ‘Dai‑ka hidi i‑di Beosibo amane.’ Mai ati niya, ‘Satanasi‑ka dai amani.’ Mai ati nihi naboneni.

Mateo 11:22

Owati dai mitahi. Hibati‑ya Tiro‑ya mai wi‑wina‑mete, Sidoho‑ya mai wi‑wina‑mete, mai na, ai nafi ene‑ya Deoso kadikeya, mai‑ya weenamataseya, mai‑ya weeni bi‑bidi nebona, dai‑ya weeni kitabisebonane.

Mateo 11:24

Ai nafi ene‑ya Deoso kadikeya, dai‑ya weeni kitebonane. Ai nafi ene‑ya Deoso kadikeya, hibati‑ya Sodoma‑ya mai wi‑wina‑mete mai‑ya weenamataseya, mai‑ya weeni bi‑bidi nebona, dai‑ya weeni kitabisebonane.” Yeso ati nemarine. Dai maa toha owa‑kaya dai kamiyahi

Mateo 12:36

Ai nafi ene‑ya Deoso kadikeya, ai ati towe manakone‑ya daanebonane.

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yowaho 17:22

Owa‑ya tika yama daatina, fara mai‑ya daa·onamaki, ai ohari‑nima mai oharebonehe, mai damaro.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Ebereo 9:27

Bofe‑ya ai abano ababoneni ai nafi. Makobote neme‑ya ai ene‑ya Deoso kadikebonane.

Tiyako 2:13

Ai owa‑ya ai ati somawamara, Deoso ai‑ya ati somawamarebonane. Ai owa‑ya ai ati somawamiya, Deoso ai‑ya ati somawamaharibonane.

Tiyako 2:22

Yama dai watokarini? Deoso ati‑ya Abaraho ati nofe, hiniya ati tohi awirane, Deoso ati‑ya tokadabematane. Abaraho ati toha, ene toha nematane.

Bedoro yoto‑ke 2:9

I‑di Ro‑ya Deoso kasomemata, Deoso ati ai no‑nofa ai‑ya kasomebona ai watoharitene. Sodoma‑ya mai wi‑wina mai ihi amosara, mai manakone amosara‑ya Deoso daanemata, hibayata mai ihi amosara mai manakone amosara‑ya daani watohari, makobote mai ihi‑ya kadikebonane.

Bedoro yoto‑ke 3:7

Hibayata Deoso ene yama tohasa na, makobote mai ihi amosara mai ihi‑ya Deoso kadikeya, neme, bofe na, nafi hirinaboneni. Deoso ati‑ya mai nofaramaro, mai‑ya nahatiwahebonane.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho daidi 2:5

Deoso ati‑ya tokadabe, Deoso‑ya nofatene. Deoso ati‑ya ai tokadabiya, Deoso‑ka ai toha ai watone.

Yowaho daidi 2:6

“Yeso‑ka oda amani.” Ai ati na, Yeso Kirisito ene‑mari‑nima ai ene nahi.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.

Yowaho daidi 3:7

Oka dai toha, owati dai mitahi. Oka dao dai toha, dai‑ya keyehe‑ya mai hirikariyahi. Dai ene amosa, Yeso‑ka dai tohani. Yeso ene amose, Yeso ene‑nima mai ihi na, Yeso‑ka mai tohateni.

Yowaho daidi 4:12

Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.