Yowaho daidi 4:15 - Deoso-ka Yama Hani

¹⁵ Deoso ati‑ya mai no‑nofa, “Yeso, Deoso Bidi amane.” Mai atibodi ati na, mai atibodi‑ya Deoso wine, Deoso‑ka mai tohateni.

Yowaho daidi 4:15 ပူးပေါင်းရင်းမြစ်များ

Mateo 10:32

Mai‑ya dai hiyariya, ‘Yeso‑ka ama·oni.’ Dai ati niya, Okobi ohiyariya, ‘Oka mai amani.’ Onaboneni.

Roka 12:8

Mai‑ya dai hiyariya, ‘Yeso‑ka ama·oni.’ Dai ati niya, ‘Oka mai amani.’ Onahareboneni, Deoso‑ka yo‑yose mai‑ya.

Yowaho 6:56

Owa eme‑ya mai kaba, owa emene‑ya mai fawa na, oka mai toha, mai‑ya osawiteboneni.

Yeso‑ka yo‑yose mai tamine 8:37

“Yeso ati nafi tinofiya, tiwa haba·onirisabani.” Firibi ati ne. “Deoso Bidi i‑di Yeso Kirisito ati onofawahani.” Ati ne.

Homa 10:9

“Yeso oka hidi amane.” Dai ati na, “Deoso ene Yeso kitamematane.” Dai atibodi ati na, Deoso‑ka dai tohawaha, Deoso tabaro‑ya dai winaboneni.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Yowaho daidi 2:23

Deoso Bidi‑ya mai nofara, Deoso‑ya mai nofaterani. Deoso Bidi‑ya ai nofa, Deoso‑ya ai nofahari teni.

Yowaho daidi 2:24

Hibati‑ya Yeso tamine dai mitamaro, dai kadamoriyahi. Dai kadamora, Deoso dai‑ya sawi, Bidi dai‑ya sawihari nebonane.

Yowaho daidi 3:23

Deoso ati dai mitahi. “Oka dao i‑di Yeso Kirisito ati dai nofiya, owati‑maro‑nima dai ibi nofahi.” Deoso ati nemarine.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho daidi 4:12

Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.

Yowaho daidi 4:2

“Deoso Bidi i‑di Yeso bofe‑ya kame, ai‑nima tohemarine.” Mai ati na, Deoso‑ka mai toha, Deoso‑ka Doni ati mai ka‑kamina ai watoteni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:5

“Deoso Bidi i‑di Yeso amane.” Ai ati na, Satanasi ati‑ya ai nofarani. Yeso ati‑ya mai nofara, Satanasi ati‑ya mai nofateni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.