Yowaho daidi 4:14 - Deoso-ka Yama Hani

¹⁴ Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yowaho daidi 4:14 ပူးပေါင်းရင်းမြစ်များ

Yowaho 1:14

Deoso‑ya Yo‑yofikana ai owa tohawahane, bofe‑ya ai‑ya sawiwahemarine. Deoso Bidi yokana amane. Hini wehene oda awemarine. Ai nafi‑ya nofe, keyehe‑ya hiriremarine.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 10:36

Okobi owa‑ya kayawe, owa‑ya yosemarine, bofe‑ya okebonehe. ‘Deoso Bidi ama·oni.’ Ona. Owati kasiramone dai ati neni, dai yawaro. Hini yamata ihi dai yawiti?

Yowaho 12:47

Owati‑ya mai mita, owati‑ya mai tokadabara, mai‑ya wee·orani. Mai nafi okasomabone, okemaroni.

Yowaho 3:11

Owati amosabote timitahi. Yama oda watobisa tamine oda hiyara, yama oda awamaro tamine oda kamina, oda ati dai nofarani.

Yowaho 3:32

Yama himitamaro‑ya kamina, yama hiawamaro tamine‑ya kaminane, ati‑ya mai dama mai nofarani.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Yowaho 5:39

Deoso‑ka yama hani dai kadika, ‘Ai abaterabone tamine oda mitaboneni.’ Dai ati na, Deoso‑ka yama hani owa tamine‑ya kaminateni.

Yeso‑ka yo‑yose mai tamine 18:5

Makobote i‑di Sira, i‑di Timoti mai kobokana, Baoro yama‑ya aninami awire, hiniya hiyarane. Yodeo mai‑ya hiyare, “Hibati‑ya Yeso Deoso hikadikemata Kirisito tohane.” Baoro ati nemonane.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Yowaho daidi 4:10

Deoso ai‑ya nofi nafi dai awaho. Deoso‑ya ai nofi awisariya, ai‑ya nofe, Bidi‑ya yosemarine, ai manakone‑ya nanahabebonaha.

Yowaho daidi 5:9

Ai owa mai 3 toha, mai ati fara hinama toha, mai ati ai nofateni. Ai owa keyehe‑ya mai hirinaba awineni. Deoso keyehe‑ya hiritere, ati ai nofahi.