Yowaho daidi 4:12 - Deoso-ka Yama Hani

¹² Deoso ai awaterani. Ai ibi nofa, Deoso ai atibodi‑ya winatene. Deoso ai atibodi‑ya wine, ai ibi nofi nafeboneni.

Yowaho daidi 4:12 ပူးပေါင်းရင်းမြစ်များ

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Korito daidi 13:13

Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Timoti daidi 1:17

Deoso ai‑ka Hidi webote ohari, abaterebonane. Ai nafi‑ka Hidi i‑di Deoso tohe, Deoso noko ai awatere, neme‑ya wine, Deoso ai nofa, “Deoso amosabote amane.” Ai ati na. Ai ati fawariyahi. Owatibodi ati nineni.

Timoti daidi 6:16

Deoso abaterebonane. Hini wehene kite‑ya winane. Yama wahi kita ihi ahiyata‑ya ai tokaterani. Deoso noko ai awaterani. Deoso ai kahiyarahi. Deoso kitabote amane. Kiti fawaterebonane. Feye amani.

Ebereo 11:27

Deoso ati‑ya i‑di Mose nofe, Eyito‑ya winemata, tabora bara‑ya tokawahe. Atibodi ati, “Eyito mai‑ka hidi owa‑ya kako, yama sibaraboneni. Owa habo siitoraboneni. Hibayata Kirisito oawara makobote oawebona, owa manakone amosa‑ya daanebonane.” Atibodi ati nematane.

Yowaho daidi 2:5

Deoso ati‑ya tokadabe, Deoso‑ya nofatene. Deoso ati‑ya ai tokadabiya, Deoso‑ka ai toha ai watone.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho daidi 4:16

Deoso ene oda awemari, oda nafi‑ya nofe oda watowahane. Ai nafi‑ya Deoso nofe, fare‑nima mai ai nofa, Deoso‑ka ai toha, ai atibodi‑ya sawitene.

Yowaho daidi 4:20

Deoso‑ya nofe‑mona ati ne, mai one‑ya nofare, keyehe‑ya hirine. Mai one ai nofara, Deoso ai nofahariterani. Mai ai awabisa, Deoso ai awaterani. Mai ai nofara, Deoso ai nofaterani.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.