Yowaho daidi 4:1 - Deoso-ka Yama Hani

¹ Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yowaho daidi 4:1 ပူးပေါင်းရင်းမြစ်များ

Maroko 13:21

Dai‑ya mai keyehebone, ‘Deoso‑ka Ka‑kadika kobone, ahiyata sawine.’ Mai one ati nihi, ‘Deoso‑ka Ka‑kadika tabora one‑ya sawine.’ Mai one ati nihi naboneni. Haa‑nima mai ati na, mai ati dai nofariyahi.

Roka 12:57

Deoso yama hinofa dai sibara, dai sibanahi.

Roka 21:8

“Dai noko wadahi. Dai‑ya mai keyeheriyahi. ‘Deoso‑ka Ka‑kadika ama·oni. Yama yana kanibote naboneni.’ Mai dama mai ati naboneni. Mai ati dai tokadabariyahi.

Yeso‑ka yo‑yose mai tamine 17:11

Tesaronika‑ka mai narabi hawi bi‑bidi na, Bereya‑ka mai narabi hawi ba‑basi na, Baoro ati‑ya mai mita, mahi‑nima Deoso ati‑ya mai kadika, Deoso ati‑nima Baoro ati amane, mai awa, ati mai nofawahamoneni.

Yeso‑ka yo‑yose mai tamine 20:29

Owa nowati‑kaya mai one mai kamake, dai‑ya keyehe‑ya mai hirikanaboneni. Yomahi yama‑ke ene‑nima mai ihi naboneni. Yeso‑ka mai‑ya mai nokotonihebone, Satanasi ati‑ya mai tokadababonehe.

Korito daidi 12:10

Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 14:29

Deoso ati‑ya mai mi‑mita mai kaminabone mai damariyahi. Mai fama owa oharineya, sibaraboneni. Mai ati dai mita, mai ati dai kadikiyahi.

Tesaronika daidi 5:20

Deoso ati‑ya mai kaminamone mai ati na, Deoso‑ka yama hani ati‑nima mai ati na, mai ati dai tokadabahi.

Tesaronika daidi 5:21

Deoso‑ka yama hani ati‑nima mai ati ni awira, mai ati dai nofariyahi.

Tesaronika yoto‑ke 2:2

Ai‑ka Hidi koboni kemorebonane. “Yeso kobonane.” Mai one ati na, Mai ati dai nofariyahi. “‘Yeso kobonamane.’ Deoso‑ka Doni ati nane.” Mai ati na, mai ati dai nofariyahi. “‘Yeso kobonamane.’ I‑di Baoro‑ka yama hani ati nane.” Mai ati niya, mai ati dai nofariyahi. Dai habo siitoriyahi.

Timoti daidi 4:1

Deoso‑ka Doni ati dai mitahi. Yeso kami yakari‑ya Yeso ati‑ya mai ati nofa, ati‑ya mai ati nofami awiraboneni. Madi mai ati‑ya mai nofawaha, madi mai ati‑nima mai nawahaboneni.

Timoti yoto‑ke 3:13

Mai ihi towe toha, mai ihi towe ba‑basi naboneni. Mai one‑ya mai keyeheneni. Mai one mai hikayeheriya, mai ati‑ya mai nofahareboneni.

Bedoro yoto‑ke 2:1

Hibati‑ka mai one Deoso ati‑ya mai mitamone mai ati na, bara mai ati‑ya mai kaminabisa, Deoso yokana ati‑ya mai kaminarameteni. Fara dai tabaro‑ka dai‑ya mai ka‑kanawato, mai one Deoso yokana ati‑ya mai kamina, mai one‑ta Deoso ati‑mona‑ya mai kamina, deoso bare ati‑ya mai kaminabisineni. Mai ati dai tokadabiya, Deoso yokana ati‑ya dai nofaraboneni. “Yeso Kirisito ai‑ka hidi tohi awire, ai manakone‑ya nanahabi awirane.” Mai one ati naboneni. Keyehe‑ya mai hirina, hini mai ati ihi mai abawahaboneni.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yowaho daidi 2:7

Owati bara tohi awirani. Hibati‑ka mai ati ni‑maro‑nima owati nineni. Hibati‑ya mai ati dai mitamaro, fara mai ati‑nima owati nineni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.

Yeso Kirisito ene‑bona 2:2

Dai ene nafi owatoneni. Dai‑ka yama anini amosa, Deoso‑ka hawi bai‑ya dai maakani awirani. Mai ati kasira, mai ati dai nofi awirani. ‘Yeso‑ka yo‑yose oda amani.’ Mai one ati na, keyehe‑ya mai hirina. Mai ati dai mita, mai‑ya dai watoneni. Mai ati dai nofarani.