Yowaho daidi 3:5 - Deoso-ka Yama Hani

⁵ Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:5 ပူးပေါင်းရင်းမြစ်များ

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Roka 23:41

Ai ene amosara, ai ene manakone ai kayafineni. Yeso ene amose hinama amane.

Roka 23:47

Mahi wehene fawane‑ya sodado mai‑ka hidi awe, Yeso ati‑ya mite, “Deoso ene amane.” Atibodi ati ne, “Yeso ene amosabisane.” Ati nematane.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yowaho 1:31

Isara·eo‑ka dai toha faha‑ya dai‑ya haba·onirisamaroni, dai atibodi hawa tohabonehe. Hibati‑ya awi owatoremarine.

Yowaho 14:30

Dai‑ya ohiyari nafimaraboneni. Bofe‑ka mai‑ka hidi kobonebonane. Oka hidi tohi awirane.

Yowaho 8:46

Owa ene towe dai awineni? Owa ene towe dai awaterani. Owa ene amosa hinama toha, keyehe‑ya hiri·ora, owati dai nofahi.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 1:3

Deoso amosabote noko wehene nafi, noko wehene‑nima Bidi noko wehene ne Deoso‑nima Bidi ne. Ati kite ene neme toha, bofe tohasa nihi nineni. Ai ene amosara manakone wada, ai manakone‑ya nanahabe, Deoso kitabote‑ka kanika‑ya itariwahematane neme‑kaya.

Ebereo 4:15

Ai‑ya Satanasi keyehe‑nima Deoso‑ka yama‑bone‑ya mai da‑daa mai‑ka hidi webote‑ya keyehemata, Satanasi ati‑ya nofare, ati hikadabarematane. Ai‑ta Satanasi ai‑ya keyeheya, ai kitara, Satanasi ati ai nofaba awineni. Satanasi ati ai nofa ai atibodi koma, Deoso‑ka yama‑bone‑ya mai da‑daa mai‑ka hidi webote ai‑ya kasomebona ati nane.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Ebereo 9:26

Faha fowe‑nima bani mai ame‑ya mai daanamete, mai‑nima Kirisito ne‑mana, abi dame namatane. Yama nafi hawa tohiya, hini emene‑ya daani oharibisematane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 1:18

Dai‑ka idi mai ihi‑nima dai ene namaro, dai ene amosara dai manakone wada, dai manakone‑ya Kirisito nanahabemarine. Oro, barata yama na‑ya dai manakone‑ya nanahabi awiremarine.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 2:22

Yeso ene amose hinama tohe, keyehe‑ya hiriterene.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 1:2

Hibati‑ya ai‑bone‑ya wamane, neme‑ya Deoso eyehe winemata, ai tabaro‑ya kaki, oda awemari tamine okanahanoneni. Yeso ene ai atibodi abateraboneni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.