Yowaho daidi 3:2 - Deoso-ka Yama Hani

² Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yowaho daidi 3:2 ပူးပေါင်းရင်းမြစ်များ

Mateo 5:8

Deoso ati dai nokotoniyahi. Yama bara dai nokotoniriya, Deoso dai‑ya kasomebona, Deoso‑ya dai awawahaboneni.

Roka 17:30

Dai‑ka Ayo neme‑ke kitawaheya, haa‑nima yama namatasaboneni.” Yeso ati nematane.

Roka 20:36

Deoso‑ka yo‑yose mai‑nima mai nawahabone, mai abamateraboneni. Mai aba, mai kitama, mai abamateraboneni. Deoso bidi mai tohawahaboneni.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yowaho 11:52

Yodeo oda manakone‑ya nanahaba, Bara mai manakone‑ya nanahabahari nebonane. Deoso‑ka mai toha, mai nafi‑ya ohariwamebonane.

Yowaho 17:24

Abi, owa‑ya mai daatinamaro, owa‑ya mai sawebone, mai‑ya owatibodi kobonineni. Yama nafi ai wamani awisari‑ya owa‑ya tinofi nafe, owa wehene‑bone daatinamaroni. Owa wehene‑ya mai awiyahi.

Homa 8:16

Deoso‑ka Doni ai atibodi yati‑ya hiyare, “Deoso bidi amatini.” Ati tene.

Homa 8:18

Hibayata ai‑ya mai bisiniya, ai korikasara, makobote yama nafi amosabote‑ya ai kayafa, yama amosi ba‑basi naboneni.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Korito daidi 13:12

Hibayata isibiyo towe‑ya ai awi‑nima Deoso‑ya ai awi re‑refona, makobote Deoso noko ai awawahaboneni. Hibayata owato bide oha, makobote Deoso owa‑ya wato‑nima yama owatowahaboneni.

Korito daidi 15:49

Hibayata i‑di Adaho abano‑nima ai abano na, makobote i‑di Yeso Kirisito abano‑nima ai abano nawahaboneni.

Korito daidi 2:9

Deoso ai nofa ai‑ka yama amosabote Deoso wamahinamete‑ya ai‑ya daanebonane. “Ai‑ka yama‑bone‑ya mai awarihi, yama tamine‑ya mai mitarihi, ai‑ka yama‑bone hibati‑ya ai watorihi nineni.” Deoso‑ka yama hani ati nineni.

Korito yoto‑ke 3:18

Isibiyo noki bisa tohaya, ai‑ya ai awa, ai awi re‑refona, noki ai namosiya, ai‑ya ai awi amosateni. Kirisito‑ka ai toha, Kirisito‑ka isibiyo‑nima ai na, ai‑ya mai awa, Yeso‑ya mai awaboneni. Ai ene amosi bi‑bidi na, Kirisito‑ya mai awi re‑refona, Deoso‑ka Doni ene ai ene amosi ba‑basi niya, Kirisito‑ya mai awi amosawahaboneni.

Korito yoto‑ke 4:17

Hibayata oda‑ya mai bisi, oda‑ya mai kako na, oda amoni damariya, oda‑ya mai bisinamarihi, oda‑ya mai kakomarihi naboneni. Yeso kamataseya, oda amosawaha, oda noko wehene wadawaha, oda noko wehene fawateraboneni. Oda bisini oda kadikamaraboneni. Hibayata oda komene bi‑bidi na toha, yama Deoso daahinabone amosi ba‑basi nabone, oda komene‑ya fiyakani nafeboneni.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 4:6

Deoso bidi ai tohawaha, Deoso‑ka Doni ai atibodi‑ya sawi ene Deoso ai Abi nineni. Deoso ai‑ya ewe tene. “Abi Deoso” ai ati teni.

Firibo 3:21

Hibayata ai kitara, Yeso kameya, ai abano yati tohawahaboneni. Hini abano amosabote‑nima ai abano nawahaboneni. Yeso ene kite, yama nafi‑ya kayafebonane.

Koroso 3:4

Kirisito ene dai atibodi yati tohawahani. Kirisito kamataseya, Kirisito eyehe dai‑ya mai awaboneni. Dai amosi nafeboneni.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro yoto‑ke 1:4

Deoso ati amosabote tohe, ati‑nima yama naboneni, ai ene amosawamabonehe. Deoso atibodi ati‑nima ai atibodi ati nawahabone, Satanasi ati‑ya mai no‑nofa mai ihi‑nima ai ene raboneni.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho daidi 2:7

Owati bara tohi awirani. Hibati‑ka mai ati ni‑maro‑nima owati nineni. Hibati‑ya mai ati dai mitamaro, fara mai ati‑nima owati nineni.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:10

Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 3:21

Ai atibodi ai‑ya weera, Deoso ai hiyara, ai habo siitoni awiraboneni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yeso Kirisito ene‑bona 2:28

Yama wahabisari‑ke amowa webote‑nima ne dai‑ya daa·onaboneni.

Yeso Kirisito ene‑bona 22:4

Deoso‑ya ai awabone, Deoso oni ai noko ete‑ya kobobokanebonane.