Yowaho daidi 3:19 - Deoso-ka Yama Hani

¹⁹ Mai ai nofa, mai ai kasoma, Deoso‑ka ai toha ai watoneni. Deoso‑ya ai awamakiya, ai habo siitoni awiraboneni.

Yowaho daidi 3:19 ပူးပေါင်းရင်းမြစ်များ

Yowaho 13:35

Dai ibi nofiya, oka dai toha dai‑ya mai nafi watowahaboneni.” Yeso ati nemarine.

Yowaho 18:37

“Hidi webote amatiraniha?” Birato ati ne, “Hehe, hidi webote ama·oni. Deoso ati yokana okaminabone, bofe‑kaya okemaro, owada onamaroni. Deoso ati yokana‑ya mai no‑nofa owati‑ya mai tokadabateni.” Yeso ati nemarine.

Homa 4:21

“Deoso kitabote ati‑nima yama naboneni.” Abaraho atibodi ati ne, habo kitematane.

Homa 8:38

Yama ai watowaha, Deoso ai‑ya nofe, ai nofi‑ya fawaterebonane. Ai aba, ai‑ya sawi, ai hasina, ai‑ya sawitene. Deoso‑ka yo‑yose mai ati ihi ai‑ya kanakiterene, Satanasi‑ka madi mai kiti bi‑bidi na mai toha, hika madi mai kiti ba‑basi na mai toha mai na, mai ihi Deoso ai‑ya kanakiterene. Hibayata yama toha, makobote yama toha na ihi Deoso ai‑ya kanakiterene. Ai‑ya nofi fawaterebonane.

Timoti yoto‑ke 1:12

Deoso ati‑ya ohiyara, kadeya‑ya owa‑ya mai nawaa, kadeya‑ya owaa, oyawi awirani. Sibarabone owatibodi ati nani. Deoso owato, ati onofe, owa‑ya nawadebona, owa‑ya kayawebonane. Hika yama ani·ona‑ya kayafatene. Makobote Yeso kamataseya, oka yama‑bone‑ya daanebonane.

Ebereo 10:22

Deoso‑ya ai hiyarabone, ai atibodi amosahi. Deoso ai ati‑ya mitebona ai atibodi ati nahi. Hibati‑ya ai atibodi‑ya Deoso‑ka Doni namose, ai atibodi ai‑ya weenamara, hibati‑ka mai‑ya mai wisana, mai‑nima ai nawaha, ai ene amosara manakone aba ihi faha amosa‑ya ai afina‑nima ai nawahani.

Ebereo 11:13

Mai tamine okanahana, mai abiya, Deoso ati‑nima yama nabone, nafi‑ya mai awi awisara, mai aba, Deoso ati‑ya mai atibodi nofasa na, “Deoso ati‑nima yama naboneni. A‑ahi‑ya oda tabaro yokana awirani. Neme‑ya oda tabaro yokana‑bone tohabisani.” Mai atibodi ati nameteni.

Yowaho daidi 1:8

“Owa ene amosa hinama amani.” Mai ati na, keyehe‑ya mai hiriteni. Ai ene amosa hinama tohaterani.

Yowaho daidi 2:21

Deoso ati‑ya dai wa‑wato, dai‑ka yama hani‑bone okanahanoneni. Deoso ati‑ya dai watora‑mani, dai‑ka yama hani‑ba okanahanora neni. Deoso keyehe‑ya hiriterene. Keyehe‑ya mai hirina, Deoso ati‑ya mai hiyaraterani.

Yowaho daidi 3:14

Ai ibi nofa, ai abarabone ai wato, mai one‑ya mai nofara, mai ababoneni.

Yowaho daidi 3:20

Ai atibodi ai‑ya weenaba awineni. Ai atibodi ai‑ya weena, Deoso yama nafi‑ya wato, Deoso ai‑ya weeni awireya, ai sibaraboneni.

Yowaho daidi 3:21

Ai atibodi ai‑ya weera, Deoso ai hiyara, ai habo siitoni awiraboneni.