Yowaho daidi 3:12 - Deoso-ka Yama Hani

¹² I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Yowaho daidi 3:12 ပူးပေါင်းရင်းမြစ်များ

Mateo 13:19

Fadara‑ka wami ai atibodi tamine amani. Neme‑ke ai nafi‑ka hidi kitabote tohawahebona tamine‑ya mai mita, ati mai hiwato awireya, mai ati kadamowama kanibote na. Hawi fowari‑ya yamata noki sona‑nima mai na, Satanasi ati ene Deoso ati‑ya mai ati kadamowamani.

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Mateo 23:35

Dai‑ka idi mai ihi‑nima dai ene na, mai ihi nafi yorotokawama‑nima dai ene manakone naboneni. Oka mai ihi amosa mai‑ya dai‑ka idi mai nanahabameteni. Abeo‑ya nanahabi bahe, mai dami‑ya mai nanahabamaki, Barakiya bidi i‑di Sakariya‑ya Deoso‑ka yobe‑ya dai‑ka idi mai nanahaba nameteni.

Mateo 27:23

“Hini yamata ihi baa·okabati? Ene towe wadarene.” Birato ati nematane. Hiniya mai ati kitawaha, “Awa‑ya baakanaho, baakanaho.” Mai ati nameteni.

Mateo 5:37

Dai ati amosa hinama tohahi. Keyehe‑ya dai hiririyahi. Satanasi ati ene keyehe‑ya dai hiriteni. Satanasi ati‑nima dai ati riyahi.” Yeso ati nemarine.

Roka 11:51

Abeo‑ya nanahabi bahe, mai one dami‑ya mai nanahabamake, i‑di Sakariya‑ya nanahabamake, Deoso‑ka yobe‑ya i‑di Sakariya‑ya mai nanahabamakemeteni. Owati dai mitahi. Mai ihi yorotokana manakone‑nima dai ene manakone naboneni.

Yowaho 10:32

“Deoso ene owa ene amosa, owa ene kitabote amani. Owa ene dai awamaro, owa‑ya dai ati nanahabi‑ka dai yofikanahi.” Yeso ati nemarine.

Yowaho 8:40

Deoso ati omite, ati okamine, owa‑ya dai nanahababone dai ati na, dai ene‑nima i‑di Abaraho ene rematamonane.

Yowaho 8:41

Dai‑ka idi yokana ene‑nima dai ene nibisineni.” Yeso ati nemarine. “Oda‑ka ami maki mai one‑ya mai siwakiterani. I‑di Abaraho‑ka nodi yokana oda amani. Oda‑ka Abi yokana Deoso amane.” Mai ati namaroni.

Yeso‑ka yo‑yose mai tamine 7:52

Deoso ati‑ya mai mi‑mita mai nafi‑ya dai‑ka idi mai bisinamete, ‘Deoso‑ka owa amosabote kamebonane.’ Mai ati na, mai‑ya dai‑ka idi mai nanahabameteni. Fare kame, dai kahabane, dai ati ene mai hinahabene.

Tesaronika daidi 2:14

Deoso‑ka mai toha Yodeya‑ya mai wina mai‑nima dai nawahani. Yeso Kirisito ati‑ya Yodeo mai nofa mai‑ya Yodeo mai one bisina, fara mai‑nima Yeso ati‑ya dai nofa dai‑ya dai one bisineni.

Ebereo 11:4

Hibati‑ya Deoso ati‑ya i‑di Abeo nofe, Deoso ati‑nima bani‑ya daane, i‑di Abeo ene‑ya Deoso nofe, “I‑di Abeo ene amosane.” Deoso ati nematane. I‑di Kaina Deoso ati‑nima yama‑ya daani awire, ene‑ya Deoso nofarematane. I‑di Abeo abemata ene tamine ai hiyaranasa nineni.

Ebereo 12:24

Hibati‑ya Deoso‑ya mai hiyarabone, Deoso‑ka bani emene‑bona‑ya mai towakama, Deoso‑ya mai hiyarameteni. Hibayata Yeso ene Deoso‑ya ai hiyarawahabone, hiniya Deoso‑ya ai hiyarateni. Hibati‑ya Abeo abe ene, i‑di Kaina‑ya Deoso yawe, i‑di Yeso abe ene Deoso ai‑ya ati somawamawahematane.

Bedoro daidi 4:4

Hibayata dai‑ya mai haaniya, mai ati dai tokadabariya, mai‑nima dai namara, “Ka! Hini yamata ihi ai ati‑ya mai nofamarihi?” Mai ati na, dai‑ya mai hahakana, dai‑ya mai wee teboneni.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yoda‑ka yama hani 1:11

I‑di Kaina ene‑mata‑nima mai ihi nihi, i‑di Baraho ene‑mata‑nima mai ihi nihi na, yinero‑ya mai nokotoniteni. I‑di Kore‑nima mai ihi na mai aba naboneni.

Yeso Kirisito ene‑bona 17:6

Fana fino nafi‑ya fawa, towe toha. Fara Deoso‑ka mai toha, Yeso tamine‑ya mai ka‑kamina mai toha, mai na, mai ame tamine amani. Fana ihi mai‑ya mai nanahababone tamine amani. Fana oawa, owatibodi yama‑ya kadiki kitani.