Yowaho daidi 3:10 - Deoso-ka Yama Hani

¹⁰ Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 3:10 ပူးပေါင်းရင်းမြစ်များ

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Roka 6:35

Dai‑ta dai‑ya mai kako‑ya mai dai nofahi. Mai‑ka yama‑bone dai daana, manakone dai haatonamakiriyahi. Makobote Deoso dai‑ka yama manakone‑ya daanibisebonane. Haa‑nima dai niya, Deoso kitabote ene‑nima dai ene naboneni. Deoso ati‑ya mai nofara mai toha, hini mai‑ya mai nokotonihe mai toha, mai na, mai‑ya Deoso kasomatene.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yowaho 11:52

Yodeo oda manakone‑ya nanahaba, Bara mai manakone‑ya nanahabahari nebonane. Deoso‑ka mai toha, mai nafi‑ya ohariwamebonane.

Yowaho 8:44

Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Yowaho 8:47

Deoso‑ka mai toha Deoso ati‑ya mai tokadabateni. Deoso‑ka dai tohara, owati dai watorani.” Yeso ati nemarine.

Yeso‑ka yo‑yose mai tamine 13:10

“Satanasi bidi amatini. Yama amosa‑ya tinofara. Yama towe‑ya tinofa, towe amatini, keyehe‑ya hiritinaro. Deoso hawine amose tohe, hawi bara‑ya mai tiyoseriyahi.

Homa 13:8

Yama dai kanika, manakone dai nanahaba kanibote nahi. Mai‑ka yinero dai kayafe, manakone dai daatonama kanibote nahi. Mai dai nofabone Deoso ati ne, mai dai nofahi. Mai dai nofi yokana toha, Deoso ati‑nima dai teni.

Efesiyo 5:1

Ai‑ka abi bofe‑ke ai‑ya nofe, ene‑nima ai ene teni. Fare‑nima dai‑ka Abi i‑di Deoso dai‑ya nofi nafi, ene‑nima dai ene nahi.

Koroso 3:14

Dai ibi nofi nafiyahi. Dai ibi nofi nafe, dai hinama tohaboneni.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Yowaho daidi 2:29

Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 3:1

Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yowaho daidi 4:21

Hibati‑ya Deoso ai‑ya hiyare, “Owa‑ya dai nofabone, dai one dai nofaharihi!” Deoso ati nematane.

Yowaho daidi 4:6

Deoso‑ka ai toha, Deoso‑ka mai one ai ati‑ya mai nofateni. Deoso‑ka mai tohara ai ati‑ya mai nofaterani. Ai ati‑ya mai nofa, Deoso‑ka mai toha mai ai wato. Ai ati‑ya mai nofara Satanasi‑ka mai toha, mai ai wato teni.

Yowaho daidi 4:8

Mai ai nofara, Deoso ai watoterani. Deoso ai nafi‑ya nofatene.

Yowaho daidi 5:19

Deoso‑ka ai toha mai ai watoteni. Satanasi‑ka mai toha Satanasi mai‑ya yokobonane.

Yowaho daidi 5:2

Deoso ai nofi nafi, ati ai tokadabe, Deoso bidi mai ai nofa ai watowahaboneni.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.