Yowaho daidi 3:1 - Deoso-ka Yama Hani

¹ Deoso ai‑ya nofi nafi, dai awaho, ai‑ya bidine. Deoso‑ya mai dami watora ene oda‑ya mai watorani.

Yowaho daidi 3:1 ပူးပေါင်းရင်းမြစ်များ

Roka 20:36

Deoso‑ka yo‑yose mai‑nima mai nawahabone, mai abamateraboneni. Mai aba, mai kitama, mai abamateraboneni. Deoso bidi mai tohawahaboneni.

Yowaho 1:12

Abano oda nofa, ati oda nofa ne, ati ene Deoso bidi oda tohawahamaroni.

Yowaho 11:52

Yodeo oda manakone‑ya nanahaba, Bara mai manakone‑ya nanahabahari nebonane. Deoso‑ka mai toha, mai nafi‑ya ohariwamebonane.

Yowaho 15:21

Owa‑ya yose‑mari‑ya mai watora, owa‑ya mai nofi awirani. Fara dai‑ya mai bisinaboneni.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 17:25

Abi, amosabote amatini. Bofe‑ka tiwa‑ya mai watora, tiwa owatobisineni. Owa tiyosemaro, owa‑ya oka mai watowahineni.

Yowaho 3:16

Bofe‑ka dai nafi‑ya Deoso nofi nafi, Bidi yokana ohari‑ya yose, Bidi ati dai no‑nofa yama kome fawaterabone‑kaya dai sawirabone, dai abaterabone‑kaya dai sawibisaboneni.

Homa 5:8

Ai ene‑nima Deoso ene ni awire, ai ene amosara, ai ababone, Deoso ai‑ya nofi nafi ene Bidi i‑di Yeso Kirisito‑ta ababisane, ai manakone‑ya nanahabebonaha.

Homa 8:19

Yama nafi Deoso wamahinamete Deoso bidi mai one tohabone mai‑ya nimakaneni. Deoso bidi ai nafi tohiya, yama wamani nafi ya‑yainaboneni.

Homa 8:21

Makobote yama nafi‑ya Deoso namosawameya, yama abamateraboneni. Deoso bidi ai toha ai abamaterabone‑nima yama one na, abamateraboneni.

Homa 8:32

Deoso ai‑ya nofi nafi, Bidi‑ya kayawi awire, Bidi‑ya yosene, ai manakone‑ya nanahabebonaha. Fare Bidi‑ya daanemata, yama nafi‑ya ai‑ya Deoso daanamakitasebona ai watoneni.

Korito yoto‑ke 6:18

“Dai‑ka abi ohawahabone, oka dao dai toha, okoto dai toha nawahaboneni.” Deoso kitabote ati nematane.

Karatiya 3:26

Yeso ati dai no‑nofa Deoso bidi dai tohawahani, dai nafi.

Karatiya 3:29

Yeso Kirisito ati‑ya ai nofa Abaraho‑ka nodi ai tohawahani. Abaraho‑ka nodi mai‑ya Deoso kasomebona ati nemari, Deoso hini ati‑mari‑nima ai‑ya kasomaharibonane. Deoso‑ka ai toha, Deoso bidi ai toha, ai‑na, hika yama nafi ai kayafaboneni.

Koroso 3:3

Dai atibodi amosara aba, dai atibodi yati toha, dai one hiawara, Kirisito hiawa, dai‑ya nawadane, Deoso tabaro‑ya dai winabonehe.

Yowaho daidi 3:10

Mai ihi ai awiya, mai‑ka abi oni ai watoteni. Mai ihi amosara, mai one‑ya mai nofarihi na, Deoso bidi mai tohara, Satanasi bidi mai tohani.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yowaho daidi 4:17

Deoso ai atibodi‑ya sawi, mai ai nofa na, ai ene‑ya Deoso kadikeya, ai korikasaraboneni. Bofe‑ya ai wi‑wina Deoso ene‑nima ai ene na ai korikasaterani.

Yeso Kirisito ene‑bona 21:7

Haa‑nima yama naboneni. Hawi bai‑ya mai maakani awiriya, oka tabora‑ya mai saweboneni. Mai‑ka Deoso ohaboneni. Oka dao mai tohaboneni.