Yowaho daidi 2:29 - Deoso-ka Yama Hani

²⁹ Yeso Kirisito ene amose hinama tohemari, mai ihi amosa, Deoso bidi mai toha, mai ihi dai awiya, mai ihi amosa, Deoso bidi mai toha, mai dai watowahaboneni.

Yowaho daidi 2:29 ပူးပေါင်းရင်းမြစ်များ

Yowaho 1:13

Deoso bidi ai tohabone, fana dori‑ya ai wadamatasi awiramaroni. Ai owa ene tohi awire, Deoso hini ene bidi ai tohawahamaroni.

Yowaho 7:18

Hini mai ati ihi yama‑ya mai kanawata, ‘Amosabote ama·oni. Owa dai nofahi.’ Mai ati teni. Hidi ati‑ya kamine, ‘Owa‑ya yose dai nofabisahi.’ Ati ne, keyehe‑ya hirire, ati amose hinama toha tene.

Yeso‑ka yo‑yose mai tamine 10:35

Tabora dami‑kaya Deoso ati‑ya mai nofa, Deoso ati‑nima mai na, mai‑ya Deoso ati somawamatene.

Yeso‑ka yo‑yose mai tamine 22:14

Owa‑ya hiyaramaki, ‘Deoso ai‑ka idi mai‑ya no‑nofa‑mata tiwa‑ya kadike, Deoso‑ka Ka‑kadika amosabote‑ya tiawawaha, ati timitawahene.

Yeso‑ka yo‑yose mai tamine 3:14

‘Yeso amosabote amane.’ Deoso ati ne, ‘Yeso seetikariyahi, oda nofi awire. Ai‑ya nanahabamari seetikabisahi.’ Dai ati namaroni.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Ebereo 7:2

I‑di Abaraho mai‑ka yama nafi‑ya kakame, Meokisadeki‑ka yama ohare‑bone‑ya daane, Abaraho‑ka 9 kana hasinameteni. Meokisadeki oni ai ati‑ya, ‘Mai ihi amosa mai‑ka hidi toha’ tabora oni ai ati‑ya, ‘Mai ati soma’ mai‑ka hidi toha nane.

Ebereo 7:26

Deoso‑ya ai manakone‑ya Yeso daane ene ai manakone abawahani. Ati amose hinama tosawariterene. Ai‑ta ai tosawari, Yeso‑ta tosawari terene. Neme amosi‑ya Yeso amosi fiyakanane.

Tiyako 1:18

Deoso ati ai nofi awisariya, ai‑ya kadike, Ati Amosabote ai nofawahe, hika ewe ai tohawaha, hika yama wamani‑ka hidi ai tohawahaboneni.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Bedoro daidi 1:3

Ai‑ka Abi ai kahiyarahi. Ai‑ka Hidi i‑di Yeso Kirisito‑ka Abi i‑di Deoso amosabote amane. Ai‑ya nofe, ai‑ya kadike ene ai wada yati‑nima ai nawahani, Deoso bidi ai tohawahabonehe. Deoso bidi ai toha, Bidi i‑di Yeso Kirisito‑ya nakitame‑nima ai‑ya nakitamebona ai nimaneni.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Bedoro yoto‑ke 1:4

Deoso ati amosabote tohe, ati‑nima yama naboneni, ai ene amosawamabonehe. Deoso atibodi ati‑nima ai atibodi ati nawahabone, Satanasi ati‑ya mai no‑nofa mai ihi‑nima ai ene raboneni.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:7

Oka dai toha, owati dai mitahi. Oka dao dai toha, dai‑ya keyehe‑ya mai hirikariyahi. Dai ene amosa, Yeso‑ka dai tohani. Yeso ene amose, Yeso ene‑nima mai ihi na, Yeso‑ka mai tohateni.

Yowaho daidi 4:7

Oka dai toha, owati dai mitahi. Deoso ene ai ibi nofateni. Deoso bidi ai toha, ai ibi nofa, Deoso ati‑ya ai wato teni.

Yowaho daidi 5:1

Kirisito i‑di Yeso tohene ai atibodi ati na, Deoso bidi ai tohateni. Ai‑ka Abi i‑di Deoso ai nofa, bidi mai ai nofahari teni.

Yowaho daidi 5:18

Deoso bidi ai toha, mahi‑nima ai ene amosara hinama toha terani. Deoso Bidi ai‑ya nawade, Satanasi ai‑ya kayafaterebonane.

Yowaho daidi 5:4

Deoso bidi ai toha, Deoso ati‑ya ai nofa Satanasi ati‑ya ai nofarani.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.