Yowaho daidi 2:28 - Deoso-ka Yama Hani

²⁸ Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho daidi 2:28 ပူးပေါင်းရင်းမြစ်များ

Mateo 16:27

Deoso‑ka yo‑yose mai eyehe okomatasabone, Okobi wehene owa‑ya sawibonane. Bofe‑ka dai ene‑nima dai ene manakone na daa·onaboneni.

Mateo 16:28

Owati amosabote dai mitahi. Dai one abi awisari‑ya dai‑ka Ayo neme‑ke kiti yananebona dai one awaboneni.” Yeso ati nemarine.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Roka 17:30

Dai‑ka Ayo neme‑ke kitawaheya, haa‑nima yama namatasaboneni.” Yeso ati nematane.

Homa 9:33

Ai manakone‑ya Yeso nanahabe Deoso‑ka yati‑nima amane, fare tamine‑ya mai kanahanameteni. “Siyaho‑ya oka yati onawaana, oka yati‑ya mai taratokaniya, owa tabaro‑ya mai koboraboneni. Oka yati ati‑ya mai one nofiya, mai habi siitorabone, owa tabaro‑ya mai kobonibisaboneni.” Deoso ati nematane, yama hani‑ya.

Korito daidi 1:7

Dai ibi kasomi‑bone‑ka yama‑ya Deoso daanebona ati nemari, dai‑ya yama‑ya daanane. Ai‑ka Hidi i‑di Yeso Kirisito ko‑kobo dai nimaniya, Deoso dai‑ya kasomebona, dai kasomi‑ya fawaterebonane.

Korito daidi 15:23

Yeso Kirisito abano kitami dai tohemata, Yeso‑ka ai tohawaha, Yeso kamataseya, ai abano kitamamakitasaboneni.

Efesiyo 3:12

Yeso ati‑ya ai no‑nofa Deoso‑ya ai ati hiyara, ai habo siitora, ai hiyara kanibote na, ai ati‑ya mitatene.

Koroso 3:4

Kirisito ene dai atibodi yati tohawahani. Kirisito kamataseya, Kirisito eyehe dai‑ya mai awaboneni. Dai amosi nafeboneni.

Tesaronika daidi 2:19

Ai‑ka Ayo Yeso kameya, dai tamine‑ya oda hiyaraboneni. Hibati‑ya Deoso Ati Amosabote dai‑ya oda kamina, oda ati‑ya dai nofamaro, dai ene Yeso ya‑yainebonane. Dai tamine‑ya Yeso hiyareya, oda ya‑yainahareboneni.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Timoti daidi 6:14

Yeso ati‑nima tiyahi. Yeso ati‑nima tiniya, Yeso‑ka mai‑ya mai hahakani awiraboneni. Makobote Yeso kamatasebonane.

Timoti yoto‑ke 4:8

Owa manakone wadaboneni. Ai tati borone oro wamani‑ya tohaboneni. Ai ene amosa ai tati borone oro wamani‑ya tohabone, ai‑ka hidi i‑di Yeso ati nane. Ai ene‑ya kadikeya, ai manakone‑ya daanebonane. Yeso kamebona ai nimaniya, ai manakone wadaboneni.

Tito 2:13

Yeso ai‑ka Ayo kamebona ai nimana, Yeso ai manakone‑ya nanahabemari, kameya, kami amosebonane. Deoso kitabote amose‑nima Yeso nane.

Ebereo 9:28

Kirisito abe, ai manakone‑ya nanahabemata, kamatasebona, ai manakone‑ya nanahabami awirebona, ai nimane, neme‑ya ai‑ya towakamebonane.

Bedoro daidi 1:7

Oro‑ya mai awawama, yifo hiwe ihi oro fahi tohawamaya, yama bara sawe‑ya mai nanahaba, oro hinama tohaboneni. Makobote oro abawahaboneni. Yeso ati‑ya dai no‑nofa dai‑ya mai bisinabone, dai ene‑ya mai awaboneni. Yeso ati dai nofi yokana toha, ati dai nofi fawarebonane. Yeso kobonameya, Deoso dai‑ya kahiyara, hika wehene kote dai kayafaboneni.

Bedoro daidi 5:4

Ai‑ya Na‑nawada i‑di Yeso Kirisito kameya, dai‑ya yama amosabote‑ya daanebonane. Ai tati borone oro wamani‑nima yama na‑ya dai‑ya daanebonane.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho daidi 3:2

Hibayata Deoso bidi ai toha, ai abano‑bone‑nima ai abano tohasa ra. Makobote Yeso kame, Yeso ai awiya, Yeso abano‑nima ai abano nawahaboneni.

Yowaho daidi 3:21

Ai atibodi ai‑ya weera, Deoso ai hiyara, ai habo siitoni awiraboneni.

Yowaho daidi 4:17

Deoso ai atibodi‑ya sawi, mai ai nofa na, ai ene‑ya Deoso kadikeya, ai korikasaraboneni. Bofe‑ya ai wi‑wina Deoso ene‑nima ai ene na ai korikasaterani.

Yowaho daidi 5:14

Deoso‑ya ai hiyara, yama hinofa‑ya ai ati toha, ai ati‑ya mite ai watotene.

Yeso Kirisito ene‑bona 1:7

Owati dai mitahi! Neme sabi‑ya Yeso kamebona, mai nafi hiawebonane. Yeso‑ya mai nanahabamaro Yeso‑ya mai awawahaboneni. Mai hiaweya, tabora nafi‑nima mai ohinawahaboneni. Fara yama amosaboneni.