Yowaho daidi 2:27 - Deoso-ka Yama Hani

²⁷ Kirisito ati ene Deoso‑ka Doni dai atibodi‑ya sawine, dai‑ya kanawatobonaha. Dai‑ya mai kanawatora, Deoso‑ka Doni dai‑ya kanawatobisebonane. Yama nafi‑ya Deoso‑ka Doni kanawato, keyehe‑ya hiriterene. Ai‑ka Abi i‑di Deoso ati‑nima ati tene. Deoso‑ka Doni ati‑nima ai na, Yeso‑ka ai tohateni.

Yowaho daidi 2:27 ပူးပေါင်းရင်းမြစ်များ

Mateo 13:11

“Neme‑ke ai nafi‑ka hidi kitabote tohawahebona tamine dai watobisaboneni. Mai hiwatorebonane.

Yowaho 14:16

Okobi haa·onaboneni. Dai‑ya ka‑kasoma‑bona‑ya Okobi daanebonane, dai‑ya dabatebonaha.

Yowaho 14:17

Deoso‑ka Doni Deoso ati yokana‑ya ka‑kamina amane. Bofe‑ka Deoso‑ka Doni‑ya mai awarihi, Deoso‑ka Doni‑ya mai watorihi na, fara ihi mai hinofarebonane. Dai‑ta Deoso‑ka Doni dai‑ya dabe, dai‑ya foyawahebonane.

Yowaho 14:26

Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.

Yowaho 16:13

Deoso‑ka Doni Deoso ati yokana‑ya ka‑kamina koboneya, Deoso ati nafi‑ya yofikanebonane. Hini ati ene ati yanani awirebona, yama himita‑ya kaminabisebonane. Yama nabone tamine‑ya kaminebonane.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 6:45

‘Deoso mai nafi‑ya kanawatowahebonane.’ Deoso ati‑ya mai mi‑mita‑mete mai‑ka yama hani ati neni. Okobi mai‑ya kanawato, ati‑ya mai nofa owati‑ya mai nofawahaboneni.” Yeso ati nemarine.

Korito daidi 2:12

Deoso‑ka Doni ai atibodi‑ya sawi ene Deoso atibodi ati ai watowaha, Deoso ati‑ya mai nofara mai atibodi ati‑nima ai atibodi ati ni awira, Deoso yama‑ya daanebona tamine‑ya ai watoneni.

Korito daidi 2:13

Deoso‑ka Doni ai‑ya kanawato‑nima mai one‑ya ai kanawata, yama‑ya mai wa‑wato mai ati‑nima ai ati terani. Deoso ati dai no‑nofa Deoso ati dai‑ya oda kamine, Deoso‑ka Doni ene dai watowahaboneni.

Korito yoto‑ke 1:21

Deoso ai‑ya haane, ai‑ya kadikemarine, Yeso Kirisito‑ka ai tohabonehe.

Efesiyo 4:21

Hibati‑ya Yeso Kirisito Ati Amosabote okamine, ati dai watokarini? Yeso keyehe‑ya hiriterene.

Koroso 2:6

“Yeso Kirisito ai‑ka Hidi amane. Ati ai tokadabebonane.” Dai ati namaro, dai ati‑nima dai nahi.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.

Tesaronika daidi 4:9

Dai ibi nofabone, dai tamine okanahano awiraboneni. Deoso dai‑ya kanawato ene dai ibi nofateni.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Bedoro daidi 1:23

Deoso ati abatere, ati dai nofa, dai‑ka Abi i‑di Deoso tohe ene dai atibodi yati toha, ai wada yati‑nima dai nawaha, Deoso ene dai atibodi abaterabone, neme‑ya dai winamakeboneni.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho yoto‑ke 1:2

Deoso ati ene dai oda nofa, Deoso Bidi ai‑ya sawi, ai‑ya kanakiterebonane.