Yowaho daidi 2:24 - Deoso-ka Yama Hani

²⁴ Hibati‑ya Yeso tamine dai mitamaro, dai kadamoriyahi. Dai kadamora, Deoso dai‑ya sawi, Bidi dai‑ya sawihari nebonane.

Yowaho daidi 2:24 ပူးပေါင်းရင်းမြစ်များ

Roka 1:2

Yeso ene‑ya mai awamaro Yeso ene‑ya mai nokotonihe, ai‑ya mai kanawatowahamaroni.

Roka 9:44

“Owati dai mitahi. Dai‑ka Ayo neme‑ke‑ya ai owa daanebonane.” Yeso ati nematane.

Yowaho 14:23

“Owa‑ya mai no‑nofa, owati‑ya mai tokadababoneni. Owati‑ya mai tokadaba mai‑ya Okobi nofebonane. Okobi oda fama mai wini‑kaya oda winaboneni.

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 6:56

Owa eme‑ya mai kaba, owa emene‑ya mai fawa na, oka mai toha, mai‑ya osawiteboneni.

Yowaho 8:25

“Ebeni‑ke amatiniti?” Mai ati namaroni. “Owati‑maro‑nima oneni.

Firibo 4:15

Hibati‑ya dai‑ya Deoso tamine ohiyari baha, owa dai kasoma, mai one owa‑ya kasomi awirani. Dai‑ta owa‑ya dai kasomabisa, Masedoni‑kaya yana·ona, oka yinero‑bona‑ya dai daanamaroni. Mai one yinero‑ya daaterani. Dai‑ta yinero‑ya dai daanibisineni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Ebereo 2:1

Deoso ati dai mitemari, ati dai tokadabebona dai ati na, dai ati kadamowamariya, ati‑nima dai naboneni.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 2:7

Owati bara tohi awirani. Hibati‑ka mai ati ni‑maro‑nima owati nineni. Hibati‑ya mai ati dai mitamaro, fara mai ati‑nima owati nineni.

Yowaho daidi 3:24

Deoso ati ai nofa, ati ai tokadaba, Deoso‑ka Doni ai‑ya sawitene. Deoso‑ka ai toha, ai‑ya sawi ai watotene.

Yowaho daidi 4:13

Deoso ene hika Doni ai atibodi‑ya sawi ene Deoso‑ka ai toha ai watone.

Yowaho daidi 4:15

Deoso ati‑ya mai no‑nofa, “Yeso, Deoso Bidi amane.” Mai atibodi ati na, mai atibodi‑ya Deoso wine, Deoso‑ka mai tohateni.

Yowaho daidi 4:16

Deoso ene oda awemari, oda nafi‑ya nofe oda watowahane. Ai nafi‑ya Deoso nofe, fare‑nima mai ai nofa, Deoso‑ka ai toha, ai atibodi‑ya sawitene.

Yowaho yoto‑ke 1:2

Deoso ati ene dai oda nofa, Deoso Bidi ai‑ya sawi, ai‑ya kanakiterebonane.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.

Yowaho faina 1:3

Tiwa tamine‑ya ai‑ka mai one kamina, ya‑yai·oneni. Deoso ati tikadaba, Deoso ati‑nima tinamone mai ati na, mai ati ihi ya‑yai·oneni.

Yeso Kirisito ene‑bona 3:11

Kobo kanibote onaboneni. Dai ene amosi fawariyahi, dai manakone‑ya dai one kayafarabonehe.

Yeso Kirisito ene‑bona 3:3

Hibati‑ya Deoso ati dai mitamaro, ati dai nofemari, ati dai tokadabamatasaho, Deoso‑ka hawi‑ya dai nokotonimatasahi. Dai dodafi awiriya, Deoso‑ka hawi‑ya dai nokotoni awiriya, yama‑ya mai bo‑boti mai kaki‑nima owa koboni naboneni. Oka mahi dai wato awiraboneni. Hiniya kobo·onaboneni.