Yowaho daidi 2:19 - Deoso-ka Yama Hani

¹⁹ Mai one Yeso‑ka mai‑mone mai ati na, Yeso‑ka mai tohaterani. Oda‑ya mai sawemaro, oda‑ya mai sawimi awira, Yeso‑ka mai toha‑mani, oda‑ya mai sawe neni. Yeso‑ka mai‑ya mai sawira, Yeso‑ka mai tohara, mai‑ya mai dami watowahaboneni.

Yowaho daidi 2:19 ပူးပေါင်းရင်းမြစ်များ

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Maroko 13:22

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kitaboneni, Deoso‑ka dai toha mai‑ka keyehe‑ya dai nofabonehe.

Roka 8:13

Yati iti‑kaya noki one sona, Deoso ati‑ya mai mita, ati mai nofa, mai ya‑yaina, makobote mai mai weehiniya, mai maakana kanibote na, Deoso ati‑ya mai tokadabamarani.

Yowaho 15:2

Ofa mate‑ya mohi yanamake, bonora‑ya Deoso tiinakose, ini yaba kote‑ya Deoso tiinakosaharitene, ofa boni damawahabonehe.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yeso‑ka yo‑yose mai tamine 15:24

Oda tabaro‑ya mai sa‑sawi dai tabaro‑ya mai toka, keyehe‑ya mai hirina, mai ati ihi dai atibodi komamoneni. Mai oda yose awiraroni.

Yeso‑ka yo‑yose mai tamine 20:30

Makobote dai owa hini‑ya kahiyarebona, Deoso‑ka‑mona hini‑ya ati tonihi, Yeso‑ka mai hikahiyarebonaha.

Homa 9:6

Deoso ati fawaterebonane. Ati‑nima yama teni. Isara·eo‑ka nodi mai one hika nodi yokana mai tohi awirihi,

Korito daidi 11:19

Dai yorotokana, dai one tamine‑ya dai hiyara, “Yama‑ya mai wato awirini. Deoso oda‑ya kanawato, yama oda watobisineni.” Dai ati na, Mai one ati‑ya mai nofarabone, dai ati‑ta‑ya mai nofabone dai atibodi nofateni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Timoti yoto‑ke 3:9

Mai amoni fa‑famaraba niya, keyehe‑ya mai hirinamaro, mai ati‑ya mai one nofami awirabone, hibati‑ya i‑di Yani, i‑di Yabiri mai fama, mai ihi‑ya mai awa, mai ati‑ya mai nofami awiramaroni. Hibayata mai ihi towe‑ya mai awa, mai ati‑ya mai nofami awiraboneni.

Ebereo 10:39

Deoso ati‑ya mai ati tokadabami nofara, mai ababone‑nima ai ni awira. Deoso ati ai nofe, ati ai tokadabatene. Deoso ai‑ya nofe, tabaro‑ya ai winawahaboneni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.

Yoda‑ka yama hani 1:19

Deoso ati‑ya mai nofara, Deoso‑ka Doni mai‑ya sawire, mai ihi Deoso‑ka ai toha, ai‑ya mai ebekanaboneni, ai ibi dabamarabonehe.