Yowaho daidi 2:18 - Deoso-ka Yama Hani

¹⁸ Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.

Yowaho daidi 2:18 ပူးပေါင်းရင်းမြစ်များ

Mateo 24:11

‘Deoso ati‑ya mi‑mita ama·oni.’ Mai one ati naboneni, keyehe‑ya mai hirinaro. Mai ati‑ya mai dami nofaboneni.

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Mateo 24:5

‘Deoso‑ka Ka‑kadika ama·oni.’ Mai dama mai ati naboneni. Mai‑ka keyehe‑ya mai dama mai nofawahaboneni.

Maroko 13:6

‘Deoso‑ka Ka‑kadika ama·oni.’ Mai dama mai ati naboneni. Mai‑ka keyehe‑ya mai dama mai nofawahaboneni.

Yowaho 21:5

Oda‑ya haane, “Madehe, fai aba mai‑ya?” Yeso ati ne, “Aba mai awirani.” Oda ati namaroni.

Homa 13:11

Owati‑nima dai na, dai dodafi, mai a‑amo‑nima dai riyahi. Hibati‑ya Yeso ati‑ya ai nofa yati tohiya, Yeso ai awabone nahorebona, hibayata ai amoni fa‑famaraba nibisa, Yeso ai awaboneni.

Homa 13:12

Yama soki‑nima mai dama mai ihi tohasa nineni. Dai‑ta yama soki‑ya mai wi‑wina mai ihi‑nima dai ene riyahi. Dai ene amosahi. Yama wahabisari‑ya mahi kaki nahore ai wato, fare‑nima hibayata Yeso koboni nahorebona ai watoharine. Deoso‑ka bora kita dai sakona, Yeso kobonebona dai‑ya dai hawa toniheboneni. Yama wahi yanatoni‑ya Sodado mai‑ka bora kita‑ya mai sakona, mai hawa tohabone, mai‑nima Deoso‑ka bora kita dai sakonahi.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Bedoro daidi 1:20

Yama‑ya Deoso wamani awisareya, Bidi hiyosebona‑ya watone, ai manakone‑ya Bidi nanahabebonaha. Hibayata Deoso Bidi kame, dai manakone‑ya nanahabawahane.

Bedoro daidi 1:5

Deoso kitabote dai‑ya nawade, tabaro‑ya dai kobona, Yeso ati‑ya dai nofa ene yama amosabote‑ya dai kayafaboneni.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro yoto‑ke 2:1

Hibati‑ka mai one Deoso ati‑ya mai mitamone mai ati na, bara mai ati‑ya mai kaminabisa, Deoso yokana ati‑ya mai kaminarameteni. Fara dai tabaro‑ka dai‑ya mai ka‑kanawato, mai one Deoso yokana ati‑ya mai kamina, mai one‑ta Deoso ati‑mona‑ya mai kamina, deoso bare ati‑ya mai kaminabisineni. Mai ati dai tokadabiya, Deoso yokana ati‑ya dai nofaraboneni. “Yeso Kirisito ai‑ka hidi tohi awire, ai manakone‑ya nanahabi awirane.” Mai one ati naboneni. Keyehe‑ya mai hirina, hini mai ati ihi mai abawahaboneni.

Bedoro yoto‑ke 3:3

Yama dai watohi. Yeso kami yakari‑ya dai‑ya mai hahakanaboneni. “Yeso kamebona dai ati na, Yeso kamaterebonane.” Mai ati naboneni. Mai atibodi towe ati‑nima mai naboneni.

Yowaho daidi 2:22

Ebeni‑ka keyehe‑ya mai hiri? Yeso Deoso Bidi tohi awire mai ati na, fara keyehe‑ya mai hirina, Kirisito‑ya mai ka‑kako mai tohani. Deoso‑ya mai nofarihi, Deoso Bidi‑ya mai nofarihi, mai teni.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yowaho daidi 4:3

“Yeso, Deoso Bidi tohi awire. Deoso Bidi ai tohaterene.” Kirisito‑ya mai ka‑kako mai‑ka hidi ati nane. Kirisito‑ya ka‑kako kakibona tamine‑ya dai mitamaro, hibayata Kirisito‑ya mai dami kakoneni.

Yowaho yoto‑ke 1:7

Ai tabaro dami‑nima keyehe‑ya mai hi‑hiri mai tokateni. “Deoso Bidi, i‑di Yeso Kirisito bofe‑ya kakiterene.” Mai ati na. Haa‑nima mai ati na, Satanasi‑ka mai toha, Kirisito‑ya mai ka‑kako mai amane.

Yoda‑ka yama hani 1:18

“Yeso kami yakari‑ya bara mai kakeboneni. Deoso‑ya mai weenabone, hini mai atibodi ati kasira ati‑nima mai naboneni.” Yeso‑ka yo‑yose mai ati namaroni.