Yowaho daidi 2:16 - Deoso-ka Yama Hani

¹⁶ Mai fanawi‑ya mai nokotinihe, yama nafi‑ya mai awa, mai atibodi kobona, yama‑ya mai kiha, hini mai‑ya mai kahiyara, Deoso ene tohaterene. Satanasi ati‑ya mai no‑nofa, haa‑nima yama na‑ya mai nokotoniteni.

Yowaho daidi 2:16 ပူးပေါင်းရင်းမြစ်များ

Mateo 4:8

Adami webote‑ya Yeso‑ya Diaboro towakame, mai tabori dami‑ya yofikanematane.

Mateo 5:28

Owati dai mitahi. Fana‑ya dai atibodi kadika, ‘Se! Oahamata.’ Dai atibodi ati niya, dai atibodi ati‑ya Deoso miteya, yawebonane.

Roka 4:5

Yama wai nemehe‑kaya Yeso‑ya Diaboro towake, mai tabori dami‑ya yofikanematane.

Homa 13:14

Ai‑ka hidi i‑di Yeso Kirisito atibodi yama hini kobohina‑nima dai atibodi kobonahi. Dai atibodi bote yama hinofa tamine‑ya dai kadikariyahi. Dai atibodi bote ati‑nima dai riyahi.

Korito daidi 10:6

Mai ihi‑nima ai ene rabone, mai tamine‑ya Mose kanahanomatane. Yama amosara‑ya mai atibodi kobonamete‑nima ai atibodi koboriyahi.

Karatiya 5:17

“Deoso‑ka Doni ati okadababoneni.” Ai atibodi yati ati teni. “Owa ene‑maro‑nima owa ene namatasaboneni.” Ai atibodi bote ati teni. Ai atibodi bote ai atibodi yati‑ya kaka, Deoso‑ka Doni ati‑ya ai tokadabiya, nofaterani.

Karatiya 5:24

Yeso Kirisito‑ka ai toha, hibati‑ya Yeso Kirisito abemarine, ai ene amosara manakone‑ya nanahabebonaha. Awa‑ya Yeso‑ya mai baakanamaro, owa ene amosara ene Yeso‑ya mai baakanamaroni. Fara Yeso Kirisito abe‑nima ai atibodi bote ati ai nanahabahi. Ai ene‑maro‑nima ai ene namariyahi.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Tito 2:12

Yeso ati‑ya mai nofara, mai‑nima ai riyahi. Yama towe ai nofarihi. Mai fanawi ai nokotonirihi, kawi ai fawarihi, ai nahi. Ai atibodi bote ati ai nofarihi. Deoso ene‑nima ai ene nahi. Ai ati, ai atibodi ati, ai ene na, ai nawada, ai atibodi yati ati‑nima ai nabone, Ai ene amosahi.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tiyako 3:15

Haa‑nima Deoso ene terene. Haa‑nima Satanasi ati‑ya mai no‑nofa mai ihi teni.

Tiyako 4:16

Yama‑ya dai watamone dai ati na, dai‑ya dai kahiyara, dai ati‑ya Deoso nofaterene.

Bedoro daidi 1:14

Madehe ihi amosa, mai‑ka abi mai ati‑ya mai tokadabateni. Madehe‑nima Deoso ati dai tokadabahi. Hibati‑ya yama‑ya dai watoriya, yama amosara dai atibodi kobohina‑nima dai ene namariyahi.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Bedoro yoto‑ke 2:10

Ai one Satanasi ati‑ya mai tokadaba, mai one‑ya mai nokotoniteni, mai‑ya mai ahabonehe. Mai‑ka hidi ati‑ya mai kaka, Satanasi‑ka madi mai kiti ba‑basi na mai toha, mai tamine‑ya mai weeni kofina, mai habi siitora, mai ihi‑ya Deoso kadikebonane.

Bedoro yoto‑ke 2:18

“Oda‑nima dai nahi! Mai fanawi oda nokotonihe, Deoso oda‑ya kayafebonane.” Mai ati nineni, keyehe‑ya mai hirinaro. Deoso ati‑ya mai tokadabawahabone mai ati na, mai one‑ka keyehe‑ya mai tokadabamatasa, Deoso ati‑ya mai nofamara, mai fanawi‑ya mai nokotonimatasineni.