Yowaho daidi 2:15 - Deoso-ka Yama Hani

¹⁵ Yama dama dai nokotoniriyahi. Yama dama dai nokotoniya, Deoso‑ya dai nofi nafiraboneni.

Yowaho daidi 2:15 ပူးပေါင်းရင်းမြစ်များ

Mateo 4:8

Adami webote‑ya Yeso‑ya Diaboro towakame, mai tabori dami‑ya yofikanematane.

Mateo 6:24

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nemarine.

Roka 16:13

Dai‑ka hidi mai fama, hidi owa ati dai tokadababisa, hidi owa ati dai tokadabaraboneni. Hidi owa dai nokotoniya, hidi owa dai kakaboneni. Deoso ati dai nofabisiya, yinero dai nokotoniraboneni.” Yeso ati nematane.

Yowaho 15:19

Bofe‑ka dai toha‑mani, dai‑ya mai nofa neni. Hini mai one‑ya mai nofateni. Dai okadikamaro, bofe‑ka dai tohamara, dai‑ya mai kakoteni.

Homa 12:2

Deoso ati‑ya mai nofara mai‑nima dai riyahi. Yama amosa hinama tamine‑ya dai atibodi kadikabisahi. Fara yama amosa dai kadikiya, dai ene amosawamabone, yama Deoso hinofa‑ya dai watabone, dai ene Deoso dai ya‑yainiheboneni.

Karatiya 1:10

“Mai ya‑yai·onihebone, owati amani.” Dai ati na awineni. Deoso‑ta ya‑yai·onira‑mani, mai ya‑yai·onibisa‑mani, Yeso Kirisito‑ka yo‑yose ohara neni. Yeso Kirisito‑ka yo‑yose oha, Deoso‑ta ya‑yai·oniteni.

Efesiyo 2:2

Satanasi ati‑ya mai tokadaba, mai‑nima dai namaroni. Madi mai‑ka hidi i‑di Satanasi amane. Madi mai dama ahiyata‑ya mai wi‑wina, ai atibodi‑ya keyehe‑ya mai hirikiteni. Deoso ati ai one nofara, Satanasi ati‑ya mai tokadabateni.

Timoti daidi 6:10

Yinero‑ya mai nokotonihe, mai ihi amosaraba awineni. Yinero‑ya ai one no‑nokotoni Deoso hawine‑ya mai sawimi awiramaroni. Hini mai ihi mai yawi kitawahamaroni.

Tiyako 1:27

Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Yowaho daidi 3:17

Tika yamata dama toha, ai one‑ka yamata awira, hika yamata‑ba daatiyahi. Yamata daatira‑mani, tiwa‑ya Deoso nofe‑ya mai awaraboneni.

Yowaho daidi 4:5

Satanasi‑ka mai toha, Satanasi ati‑nima mai ati teni. Satanasi‑ka mai toha hini mai one ati‑ya mai nofateni.

Yowaho daidi 5:10

Yeso ati ai nofa, ai atibodi‑ya Deoso‑ka Doni hiyare, Deoso Bidi i‑di Yeso amane, ati tene. Yeso ati‑ya mai nofara, “Yeso Deoso Bidi tohaterene keyehe‑ya Deoso hirinane.” Mai atibodi ati teni.