Yowaho daidi 2:14 - Deoso-ka Yama Hani

¹⁴ Bote dai toha, dai‑ka yama hani‑bone okanahano, Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahano, dai kita, Deoso ati‑ya dai wata, Satanasi ati‑ya dai nofarani.

Yowaho daidi 2:14 ပူးပေါင်းရင်းမြစ်များ

Yowaho 15:7

Owa dai nokotonihi, owati dai tokadaba, dai niya, yama dai haana‑ya Deoso daanebonane.

Yowaho 5:38

Owa‑ya yose‑mari ati dai atibodi‑ya foyaterene. Dai atibodi‑ya ati foye‑mana, owati dai nofa neni.

Yowaho 8:31

Yeso ati‑ya oda‑ka hidi mai one nofa mai‑ya hiyare, “Owati dai tokadaba, oka da‑daba yokana dai amani.

Yowaho 8:37

Abaraho‑ka nodi dai amani. Owati dai nofara, owa‑ya dai ati nanahabani.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Koroso 1:11

“Abi Deoso, tiwa ene kitabisa, tiwati ihi mai habi siitoriyahi. Mai‑ya mai bisi, mai‑ya mai we‑wee, mai na, mai habi siitoriyahi. Mai habi siitoriya, mai ya‑yainibisahi.” Oteni.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Timoti yoto‑ke 2:1

Timoti, oka dao amatini. Tiwa eme kitahi. Deoso ene Yeso Kirisito ai‑ya kasome, ai eme kitateni.

Ebereo 8:10

Makobote Isara·eo‑ka nodi mai‑ka yama hani yati tohamakitasa, mai‑ya ohiyaramakitasaboneni. Mai okanawatabone, mai atibodi‑ya owati okanahanabone, oka mai tohawahabone, mai‑ka Deoso yokana ohawahaboneni.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.

Yowaho daidi 1:10

“Mai ihi amosa hinama mai tohaterani.” Deoso ati nematane. “Deoso owa‑ya watore, owa ene amosa hinama tohani.” Mai ati na, Keyehe‑ya mai hirina, Deoso ati‑ya mai nofaterani.

Yowaho daidi 2:13

Bote dai toha, dai‑ka yama hani‑bone okanahanoneni. Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahanoneni, Satanasi ati‑ya dai nofarabonehe. Madehe dai toha, dai‑ka yama hani‑bone okanahanoneni, ai‑ka abi dai watabonehe.

Yowaho yoto‑ke 1:2

Deoso ati ene dai oda nofa, Deoso Bidi ai‑ya sawi, ai‑ya kanakiterebonane.

Yowaho faina 1:3

Tiwa tamine‑ya ai‑ka mai one kamina, ya‑yai·oneni. Deoso ati tikadaba, Deoso ati‑nima tinamone mai ati na, mai ati ihi ya‑yai·oneni.

Yeso Kirisito ene‑bona 2:3

Deoso‑ya mai nofara dai‑ya mai weeniya, dai winitonami awirani. Owa dai nofa ihi Deoso hawine bai‑ya dai maakani awirani.

Yeso Kirisito ene‑bona 2:7

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Owati ihi ai abarabone‑ka awa bono‑ya mai kababoneni. Deoso tabaro amose bai‑ya awa bono ade waineni.” Ati nene.