Yowaho daidi 2:13 - Deoso-ka Yama Hani

¹³ Bote dai toha, dai‑ka yama hani‑bone okanahanoneni. Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahanoneni, Satanasi ati‑ya dai nofarabonehe. Madehe dai toha, dai‑ka yama hani‑bone okanahanoneni, ai‑ka abi dai watabonehe.

Yowaho daidi 2:13 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 13:19

Fadara‑ka wami ai atibodi tamine amani. Neme‑ke ai nafi‑ka hidi kitabote tohawahebona tamine‑ya mai mita, ati mai hiwato awireya, mai ati kadamowama kanibote na. Hawi fowari‑ya yamata noki sona‑nima mai na, Satanasi ati ene Deoso ati‑ya mai ati kadamowamani.

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Mateo 5:37

Dai ati amosa hinama tohahi. Keyehe‑ya dai hiririyahi. Satanasi ati ene keyehe‑ya dai hiriteni. Satanasi ati‑nima dai ati riyahi.” Yeso ati nemarine.

Roka 10:22

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.

Yowaho 14:7

Hibati‑ya owa‑ya dai wata‑mani, Okobi dai watohare neni. Hibayata Okobi dai wato, Okobi dai awa, dai neni.” Yeso ati nemarine.

Yowaho 14:9

“Firibi, dai‑ya osawi yaba, owa dai wato awirini. Owa dai awiya, Okobi dai awaharineni. Abi yofitikanahi tiriyahi.

Yowaho 16:3

Okobi‑ya mai watora, owa‑ya mai watoharira, oda‑ya mai watora ihi dai‑ya mai kakaboneni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 8:19

“Ebeni‑kaya abi sawiti?” Mai ati na, “Owa‑ya dai watora, Okobi‑ya dai watoharirani. Owa‑ya dai wata‑mani, Okobi dai watohare neni.” Yeso ati nemarine.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Timoti daidi 5:1

Bote mai ihi amosara mai weetiriyahi. Abi tihiyari‑nima mai tihiyariyahi. Soho mai tihiyari‑nima yetene mai tihiyarahi.

Tito 2:6

Yetene mai‑ya tihiyariya, “Dai ene amosahi. Yama towe‑ya dai atibodi kadikariyahi.” Tinahi.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.

Yowaho daidi 2:1

Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

Yowaho daidi 2:12

Madehe dai toha, dai‑ka yama hani‑bone okanahanoneni, Yeso dai manakone‑ya nanahabe ene Deoso ati somawamane.

Yowaho daidi 2:14

Bote dai toha, dai‑ka yama hani‑bone okanahano, Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahano, dai kita, Deoso ati‑ya dai wata, Satanasi ati‑ya dai nofarani.

Yowaho daidi 3:12

I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Yowaho daidi 4:4

Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.

Yowaho daidi 5:18

Deoso bidi ai toha, mahi‑nima ai ene amosara hinama toha terani. Deoso Bidi ai‑ya nawade, Satanasi ai‑ya kayafaterebonane.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.

Yeso Kirisito ene‑bona 12:11

‘Yeso ati‑ya dai nofa dai hiyari fawani awiriya, dai‑ya oda nanahababoneni.’ Satanasi‑ka mai one ati nineni. ‘Oda aba, oda sibaraboneni.’ Mai ati namaroni. Kaneiro Bidi emene ene mai kita, Deoso oni‑ya mai saatonakosi awira ihi Satanasi kiti wadami awirane.

Yeso Kirisito ene‑bona 2:7

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Owati ihi ai abarabone‑ka awa bono‑ya mai kababoneni. Deoso tabaro amose bai‑ya awa bono ade waineni.” Ati nene.