Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yowaho daidi 2:1 - Deoso-ka Yama Hani

1 Dai oka dao onamaro, dai‑ka yama hani‑bone okanahanowahineni, dai ene amosabonehe. Dai ene amosaraya, ai tamine‑ya ka‑kamina ai‑ka Abi eyehe itarine. Ai tamine‑ya Yeso Kirisito ene amose hinama kaminatene.

အခန်းကိုကြည့်ပါ။ ကော်ပီ




Yowaho daidi 2:1
47 ပူးပေါင်းရင်းမြစ်များ  

Yeso ati yananamatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomake, dai‑ya okasomara‑mani, Okobi dai watora neni.” Yeso ati nematane.


Okobi owato, owa‑ya watohari ne. O·ababisaboneni, oka mai hasinabonehe.


Oka dao mai‑nima dai na, dai‑ya owa sawi nafimaraboneni. Owa‑ya dai sibanaboneni. Dai‑ka hidi mai ohiyarimaro‑nima dai ohiyarineni. Okomiya, dai tokomaki awiraboneni.


Okobi haa·onaboneni. Dai‑ya ka‑kasoma‑bona‑ya Okobi daanebonane, dai‑ya dabatebonaha.


“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.


Oda‑ya haane, “Madehe, fai aba mai‑ya?” Yeso ati ne, “Aba mai awirani.” Oda ati namaroni.


Makobote Deoso‑ka yobe‑ya maki sawi‑ya Yeso awe, “Yakatinamawaha, tiwa ene amosaramaro‑nima tiwa ene namariyahi, tiwa komene ba‑basi ni awirabonehe.” Yeso ati nemarine.


Yowaho ati amosi bi‑bidi nane. Okobi ene owa ene kitabote, owa ene dai awiya, Okobi owa‑ya yose‑mari dai watowahaboneni.


Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.


“Ayo, owa‑ya mai ati nanahaba, mai awimarini.” Fana ati namaroni. “Tiwa‑ya owati nanahabaharirani. Tikamahi, tiwa ene towe tohamariyahi.” Yeso ati nemarine.


Deoso ati‑ya mai mi‑mita mai nafi‑ya dai‑ka idi mai bisinamete, ‘Deoso‑ka owa amosabote kamebonane.’ Mai ati na, mai‑ya dai‑ka idi mai nanahabameteni. Fare kame, dai kahabane, dai ati ene mai hinahabene.


Deoso ai nofasa riya, Deoso Bidi abe, ai manakone‑ya nanahabematane. Deoso Bidi abe ene ai‑ya ati somawame, Bidi kitame ene ai‑ya weenamarebona, hini tabaro‑ya ai winabone ai watoneni.


Eya dai one ati na awineni. “Mose ati ai‑ka hidi tohamareya, ai ene amosara, sibarineni. Deoso ai‑ya ati somawamatene.” Dai one ati na awineni. Haa‑nima mai ati na Deoso nofaterene.


Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.


Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.


Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.


Oka madehe‑nima dai na, dai tamine omita, owatibodi koma, owatibodi komene kitineni. Mai fanawi dori kome yanana, mai dori kome kitateni, dori wadabonehe. Fara‑nima owatibodi komene nineni. Dai ene owatibodi komineni. Yeso Kirisito ati dai nofi nafibona, ene‑nima dai ene nabone, dai tamine ene owatibodi komineni.


Kirisito ene Deoso‑ka Doni ai‑ya sawi, Deoso ai nafi‑ka Abi tohawahe, ai‑ka Abi‑ya ai hiyara, ai ati‑ya mitatene.


Mai ihi amosara, mai ihi dai ati yawa, dai yawi yaboriyahi, dai ene towe toharabonehe. Dai yawi‑ke mahi tokarebona, fare hini mahi‑ya dai ati somawamahi.


Deoso ohari‑ta tohe, Deoso‑ya ai tamine‑ya hi‑hiyara ohari toha nane. Fare ai owa i‑di Yeso Kirisito tohane.


Hibayata yama hani okanahana fa‑famaraba naboneni. Owa amoni fa‑famaraba niya, tiwa‑ya okomakeba awineni.


Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.


Dai ene‑ya ai‑ka Abi i‑di Deoso nofebona dai ati na, haa‑nima dai ene nahi. Mai‑ka abi wadare mai dai kasoma, mai‑ka yibote aba, mai dai kasoma dai nahi. Deoso ati‑ya mai nofara mai ihi‑nima dai ene riyahi.


Ai ebene‑ya ai‑ka Abi i‑di Deoso, Bidi i‑di Yeso eyehe ai kahiyara, ai one Deoso‑nima mai na, mai wamahinamete, mai ai towe tonihi teni.


Yeso ene amose hinama tohe, keyehe‑ya hiriterene.


I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.


Owati dai mitahi. Mai‑ya ai ati nofa, Hiniya mai‑ya ai ati nofariyahi. Mai ai nofi yokana toha, mai ai kasomahi.


Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.


Oka dai toha, owati dai mitahi. Oka dao dai toha, dai‑ya keyehe‑ya mai hirikariyahi. Dai ene amosa, Yeso‑ka dai tohani. Yeso ene amose, Yeso ene‑nima mai ihi na, Yeso‑ka mai tohateni.


Oka madehe‑nima dai na, Deoso‑ka dai toha, dai‑ya Satanasi‑ka mai nofara, Deoso‑ka Doni dai‑ya sawi, Deoso‑ka Doni ene kitabote toha, Satanasi mai‑ya sawi, Satanasi ene ki‑kita‑raba nibisane.


Ai ene amosara‑ya Deoso nofaterene. Ai ene one ene ai aba kanibote teni. Ai ene one amosara, Deoso ai‑ya kasomatene, ai abarabonehe.


Deoso yokana dai nokotonibisahi. Bara mai dai nokotoniriyahi. Feye amani.


Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ