Yowaho daidi 1:9 - Deoso-ka Yama Hani

⁹ Ai ene amosara, Deoso‑ya ai hiyara kanibote nahi. “Abi Deoso, owa ene amosara, owa‑ya tiwati somawamahi.” Ai ati nahi. Ai ene amosara tamine Deoso‑ya ai hiyara, Deoso ati somawame, ai ene amosara‑ya kadikamaterebonane.

Yowaho daidi 1:9 ပူးပေါင်းရင်းမြစ်များ

Mateo 3:6

“Owa ene towe amani.” Mai ati na, Yodaho Faha‑ya i‑di Yowaho Batita mai‑ya habanirisemarine.

Maroko 1:5

Yodeya‑ya mai wi‑wina mai tokomaki, Yerosare‑ya mai wi‑wina mai tokomaki na, i‑di Yowaho Batita‑ya mai tokomakemaroni. “Owa ene towe amani.” Mai ati na, Yodaho Faha‑ya i‑di Yowaho Batita mai‑ya habanirisemarine.

Roka 22:57

“Yeso owatorini.” Bedoro ati nematane.

Yowaho 17:25

Abi, amosabote amatini. Bofe‑ka tiwa‑ya mai watora, tiwa owatobisineni. Owa tiyosemaro, owa‑ya oka mai watowahineni.

Yeso‑ka yo‑yose mai tamine 19:18

Yeso ati‑ya mai nofawaha, mai kama, mai hiyara, “Towe oda amani. Hibati‑ya madi mai‑ya oda hiyaramaroni.” Mai ati na.

Homa 3:26

Hibayata Deoso ene amose hinama‑ya ai nafi awabone, hibati‑ka mai manakone‑ya Yeso nanahaba, ai manakone‑ya nanahaba nane. Deoso ati‑ya mai nofamete, Yeso ati‑ya ai nofa na, Deoso ai‑ya ati somawamane.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Timoti daidi 1:15

“Yeso Kirisito kame, ai manakone‑ya nanahabemarine.” Mai ati na. Keyehe‑ya mai hirini awirani. Towe ama·oni. Owa ene amosara, owa manakone nafibisamaro, ama·oni. Owa manakone‑ya Yeso nanahabemarine.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 11:11

Deoso ati‑ya Sara nofa, “Bote oha, sibarini. Oka dao tohebona Deoso ati ne, ati‑nima nebonane.” Sara atibodi ati na, bote tohiya, Deoso hikasoma, naba toha, bidi wadawahematane.

Ebereo 6:10

Deoso‑ka mai dai kasomamaro, mai‑ya dai kasomanasa nineni. Dai ene‑ya Deoso ati fawaterebonane. Dai ene‑ya kadikebona, dai manakone amosa‑ya daanebonane.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yeso Kirisito ene‑bona 15:3

I‑di Mose i‑di Deoso‑ya na‑narifa amane. Mose‑ka wayoma, Kaneiro Bidi‑ka wayoma na‑ya mai wayoma, “Deoso, oda‑ka hidi webote amatini. Kitabote amatini. Tiwa ene amosa hinama amani. Tiwa ene kitabote amani. Tiwa ene oda awa, keyehe‑ya hirititerani. Bofe‑ka mai nafi‑ka hidi webote amatini.