Yowaho daidi 1:2 - Deoso-ka Yama Hani

² Hibati‑ya ai‑bone‑ya wamane, neme‑ya Deoso eyehe winemata, ai tabaro‑ya kaki, oda awemari tamine okanahanoneni. Yeso ene ai atibodi abateraboneni.

Yowaho daidi 1:2 ပူးပေါင်းရင်းမြစ်များ

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 1:4

Deoso‑ya Yo‑yofikana ene ai hasina, ene ai one abaraboneni. Deoso‑ya Yo‑yofikana yama wahi‑nima ne ai‑ya yofikanemarine.

Yowaho 10:28

Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 15:27

Owa hiyari yanakani‑ya owa dai dabamaro, owa tamine dai kaminahari, dai nahi.” Yeso ati nemarine.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yowaho 19:35

Hibati‑ya yama hiawamaro tamine‑ya kaminawahe, keyehe‑ya hirini awirene, Yeso ati dai nofawahabonehe.

Yowaho 21:14

Yeso kitami hawa tohe, oda awi 3 tohemarine.

Yowaho 3:13

Deoso tabaro dai awara, dai‑ka Ayo neme‑ke ama·oni. Deoso tabaro‑ya owinamaroni.

Yowaho 7:29

Owa‑ya yose‑mari owatobisane.” Ati nemarine.

Yowaho 8:38

Okobi oda fama, yama owa tamine okaminabisineni. Dai‑ka idi ati‑nima dai teni.” Yeso ati nemarine.

Yeso‑ka yo‑yose mai tamine 1:22

I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.

Yeso‑ka yo‑yose mai tamine 10:41

Mai nafi hiawi awire, oda‑ya Deoso kadikemata tamine oda kaminebona, oda‑ta oda awemarine. Hibati‑ya oda‑ka da‑daba, kitami oda awemarine. Oda eyehe tafe, faha‑ya fawa nemarine.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 5:32

Tamine oda hiyare, Deoso‑ka Doni tamine hikaminaharitene. Deoso ati‑ya mai tokadaba, Deoso‑ka Doni mai‑ya sawitene.” Yeso‑ka yo‑yose mai ati namoneni.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Karatiya 4:4

Makobote yama nafi hawa tohiya, Deoso Bidi‑ya yosemarine ai tabaro‑ya. Bofe‑ya Yeso kobone, Yeso madi i‑di Mariya ai toha, Yeso ai tohahari ne. Ai‑nima Yeso ne, Mose ati‑ya tokadabebona Deoso ati nane.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Timoti yoto‑ke 1:10

I‑di Yeso kame, ai manakone‑ya nanahabane. Yeso ai manakone‑ya nanahabe ene Deoso ai‑ya nofe‑ya ai watowahineni. Yeso abe, kitame ene Deoso tabaro hawine seekane. Yeso ati ai nofiya, ai abiya, ai atibodi abi awiraboneni. Deoso tabaro‑ya ai atibodi winawahaboneni.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Bedoro daidi 5:1

Deoso‑ka mai‑ka webote dai toha, owati dai mitahi. Deoso‑ka mai‑ka webote ohaharineni. Hibati‑ya Kirisito‑ya mai bisina, mai hinahabe, neme‑ya tokome, oawamaroni. Makobote Kirisito amosabote kamataseya, Yeso‑nima ohawahaboneni.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.

Yowaho daidi 2:25

Deoso Bidi i‑di Kirisito ai‑ya sawi, ai abaterabone ati nane.

Yowaho daidi 3:5

Hibati‑ya Yeso kame, ai ene amosara, ai manakone‑ya nanahabemarine. Yeso ene amose hinama amane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yowaho daidi 4:2

“Deoso Bidi i‑di Yeso bofe‑ya kame, ai‑nima tohemarine.” Mai ati na, Deoso‑ka mai toha, Deoso‑ka Doni ati mai ka‑kamina ai watoteni.

Yowaho daidi 5:11

Deoso ene ai abaterabone, Bidi ati ai nofeya, ati nemarine.

Yowaho daidi 5:13

Deoso Bidi ati dai no‑nofa dai‑ya okanahanabone, dai abaterabone dai watowahaboneni.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.