Yowaho 8:6 - Deoso-ka Yama Hani

⁶ “Fara haa‑nima ai ati niya, Yeso ati tosawariya, Yeso ai weenaboneni.” Mai atibodi ati nineni. Yeso mai‑ya hiyari awire, hini yehe‑ya siki‑ya nahanomarine.

Yowaho 8:6 ပူးပေါင်းရင်းမြစ်များ

Mateo 10:16

Owati dai mitahi. Kaneiro mai‑nima dai nahi. Dai hamariyahi. Yome hame‑nima mai teni. Mai‑ya dai‑ya oyose, dai noko wadiyahi. Maka mai noki wadi‑nima dai noko wadiyahi. Wayomata mai hamaterani. Wayomata mai‑nima dai nahi. Dai hamariyahi.

Mateo 15:23

Yeso ati yanare, Yeso‑ya oda da‑daba oda ati yananibisa, “Yeso, yara fana tokahi, ati fawararo.” Oda ati na, oda ati damamaroni.

Mateo 16:1

Fariseo mai toha, sadoseo mai toha na, mai kamake, “Yeso, Deoso‑ka tihamone tina, neme‑ya tiwa ene kitabote oda awaboneni.” Mai ati namaroni, Yeso‑ya mai weenabonehe.

Mateo 19:3

Fariseo mai one kamake, mai atibodi yama‑ya dika, “Yeso ati amosareya, ati oda miteya, oda weenebonane.” Mai atibodi ati na, mai ati yanana, “Yeso, maki fadi‑ya nofamare, honita wahawamebona ati ne, sibakare?” Fariseo mai ati namaroni.

Mateo 22:18

Mai atibodi ati amosara‑ya Yeso wato, “Towe dai amani. Owa‑ya dai watabone dai ati amani.

Mateo 22:35

Mai‑ka owa Mose‑ka yama hani ati‑ya ka‑kanawato sawi, “Owati ihi Yeso ati tosawaribonane.” Atibodi ati nemarine. Yeso‑ya haane,

Mateo 26:63

Yeso ati yanare, “Yeso, Deoso yokana tiwa‑ya watone, tiwati yananahi. Deoso‑ka Ka‑kadika amatiraniha? Deoso Bidi amatini?” Mai‑ka hidi webote ati nematane.

Maroko 10:2

Fariseo mai one kamake, mai atibodi yama‑ya dika, “Yeso ati amosareya, ati oda miteya, oda weenebonane.” Mai atibodi ati namaroni. “Yeso, maki fadi‑ya nofamare, honita wahawamebona ati ne, sibakare?” Fariseo mai ati na,

Maroko 12:15

Ai‑ka yinero‑ya mai haaniya, yinero ai daanibaraniha? Sesa‑ka yinero‑bona ai daaniya, sibakarini?” Mai ati namaroni. Mai atibodi ati‑ya Yeso wato, ati yanane, “Owa‑ya dai watabone dai ati amani. Yara‑ka yinero ohari dai kakamahi.” Yeso ati nemarine.

Maroko 3:2

Yeso‑ya mai ka‑kako Yeso‑ya mai kakatomamaroni. “Maki‑ya nakitameba awane. Sabado‑ya hinakitameya, ai weenebonane.” Mai atibodi ati namaroni.

Maroko 8:11

Fariseo mai kamake, Yeso‑ya mai hiyara, “Deoso‑ka tihamone tina, neme‑ya tiwa ene kitabote oda awaboneni.” Mai ati namaroni, fai‑ya mai weenabonehe.

Roka 10:25

Makobote Mose‑ka yama hani ati‑ya ka‑kanawato Yeso‑ya kaki, “Owa ene Yeso ati tosawaribonane.” Atibodi ati ne, Yeso‑ya hiyare, “Yeso, hini yamata‑nima owa ene nibati, ai abaterabone‑kaya osawebonehe?” Ati nematane.

Roka 11:16

“Yeso, Deoso‑ka tihamone tina, neme‑ya tiwa ene kitabote oda awaboneni.” Mai one ati nameteni, Yeso‑ya mai weenabonehe.

Yowaho 8:2

Yama wahabisari‑ya Deoso‑ka yobe‑ya Yeso kamatasemarine. Yeso wai‑ya mai dama mai kamakemaroni. Yeso itarisemarine, mai dama mai‑ya kanawatobonaha.

Korito daidi 10:9

Mahi‑nima Kirisito mai tafe‑bone‑ya daane, tefe bara‑ya mai kabara, i‑di Mose i‑di Kirisito ne‑ya mai weena, mai ati ihi Kirisito yawe, maka mai‑ya yose, maka mai mai kosehina, mai dama mai abamete, mai‑nima ai riyahi.