Yowaho 8:44 - Deoso-ka Yama Hani

⁴⁴ Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Yowaho 8:44 ပူးပေါင်းရင်းမြစ်များ

Yeso‑ka yo‑yose mai tamine 13:10

“Satanasi bidi amatini. Yama amosa‑ya tinofara. Yama towe‑ya tinofa, towe amatini, keyehe‑ya hiritinaro. Deoso hawine amose tohe, hawi bara‑ya mai tiyoseriyahi.

Yowaho daidi 3:12

I‑di Kaina‑nima ai riyahi. I‑di Kaina sori‑ya nanahabematane. I‑di Kaina Satanasi‑ya abi ne, badi ene‑nima ene ne. Hini yamata‑nima ne sori‑ya nanahabamatati? Sori ene amosabise i‑di Kaina‑ta ene amosare, yawe, sori‑ya nanahabematane.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Yeso Kirisito ene‑bona 12:9

Dafi kite hika yo‑yose mai eyehe bofe‑ya mai korohinisane. Dafi Satanasi amane. Oni owa Diaboro amane. Satanasi maka‑nima ne, fare amane. Bofe‑ka mai nafi‑ya keyehene.

Yowaho 8:38

Okobi oda fama, yama owa tamine okaminabisineni. Dai‑ka idi ati‑nima dai teni.” Yeso ati nemarine.

Yowaho 8:41

Dai‑ka idi yokana ene‑nima dai ene nibisineni.” Yeso ati nemarine. “Oda‑ka ami maki mai one‑ya mai siwakiterani. I‑di Abaraho‑ka nodi yokana oda amani. Oda‑ka Abi yokana Deoso amane.” Mai ati namaroni.

Yowaho daidi 3:15

Mai‑ka mai‑ya mai ka‑kako, mai‑ya mai ihi ide‑nima mai ihi teni. Mai‑ya mai nanahaba, Deoso tabaro‑ya mai winateraboneni.

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Yoda‑ka yama hani 1:6

Hibati‑ya Deoso‑ka yo‑yose neme‑ya mai wina, neme‑ya mai ati winamara, Deoso ati‑nima mai namara, hini mai ihi Deoso mai‑ya barikane, koheti‑ya mai‑ya sokikane, yama soki‑kaya mai‑ya barikawame, mai‑ka koheti‑ya Deoso sotatokanire. Makobote Yeso kamataseya, mai ihi‑ya kadikeya, mai‑ya sarikanebonane.

Yowaho daidi 2:4

“Deoso owatoni.” Ati ne, Deoso ati‑ya tokadabare, keyehe‑ya hirine. Deoso‑ya watoterene.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Yeso Kirisito ene‑bona 9:11

Ti‑tiri mai dama mai diwatona mai‑nima mai na, mai‑ka hidi Hodi yaba‑ke madi towe amane. Ebereo oda ati‑ke madi oni Abadomi amane. Kereko mai ati‑ke madi oni Aborioho amane. Fare madi towe oni “Yama‑ya Na‑nanahaba” amane.

Yeso‑ka yo‑yose mai tamine 5:3

Ananiya‑ya Bedoro hiyare, “Ananiya, hini yamata ihi keyehe‑ya hiritina? Satanasi ene Deoso‑ka Doni‑ya keyehe‑ya hiritikana, tika fadara manakone kote tikayaha, keyehe‑ya hiritineni.

Yowaho 6:70

“Dai 12 toha, dai okadikamaroni, owa‑ya dai dababonehe. Dai okadika Diaboro‑ka yo‑yose dai owa ohari tohabisane.” Yeso ati nemarine.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Bedoro yoto‑ke 2:4

Hibati‑ya Deoso‑ka yo‑yose neme‑ya mai wina, mai one ihi amosara, mai‑ya Deoso ati somawami awire, mai‑ya weretowiti, yama soki nafi‑kaya mai‑ya yadimata, makobote mai ihi‑ya kadikebonane.

Yeso Kirisito ene‑bona 13:14

Bani Hame wami‑ke ene kite‑ya bofe‑ka mai awa, hika keyehe mai hikadaba, “Bani Hame faha‑ke yima ihi‑ya nawademari, kitame, korimari dai wamanahi, korimari dai kahiyarebonaha.” Bani Hame wami‑ke ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.

Mateo 12:34

Maka yokana‑nima dai nineni. Dai atibodi amosara, dai ene amosateraboneni. Ai atibodi ati‑nima ai ati yanateni.

Mateo 13:15

Owati miti‑ya mai nofara, mai narabi‑ya mai barikana‑nima mai na mai toha, mai noki barikana‑nima mai na mai toha, mai naboneni, oka yama‑ya mai watorabonehe. Mai narabi hawe‑mani, owa ene‑ya mai awa, yama‑ya mai watoya, mai ihi‑maro‑nima mai ihi namariya, mai okasoma neni.’ Deoso ati nemata, ati‑ya i‑di Isa·iya kanahanomatane.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Yowaho 8:55

Okobi dai watore, Okobi owatobisineni. Dai watomona dai ati na, keyehe‑ya dai hirinineni. Okobi owatorini ona‑mani, keyehe‑ya hiri·onahare neni. Okobi owato, ati okadabatene.

Yowaho daidi 1:8

“Owa ene amosa hinama amani.” Mai ati na, keyehe‑ya mai hiriteni. Ai ene amosa hinama tohaterani.

Yowaho daidi 2:21

Deoso ati‑ya dai wa‑wato, dai‑ka yama hani‑bone okanahanoneni. Deoso ati‑ya dai watora‑mani, dai‑ka yama hani‑ba okanahanora neni. Deoso keyehe‑ya hiriterene. Keyehe‑ya mai hirina, Deoso ati‑ya mai hiyaraterani.

Yeso‑ka yo‑yose mai tamine 24:9

“Hehe, Tetoro ati‑nima yama tohani.” Yodeo mai nafi ati nineni.