Yowaho 8:2 - Deoso-ka Yama Hani

² Yama wahabisari‑ya Deoso‑ka yobe‑ya Yeso kamatasemarine. Yeso wai‑ya mai dama mai kamakemaroni. Yeso itarisemarine, mai dama mai‑ya kanawatobonaha.

Yowaho 8:2 ပူးပေါင်းရင်းမြစ်များ

Mateo 26:55

Mai dama, mai sawe, mai‑ya Yeso hiyare, “Yima‑ya dai aka, awa‑ya dai aka nineni, owa‑ya dai watabonehe. Yama‑ya mai bo‑boti mai wati‑nima owa‑ya dai watineni. Hibati‑ya mahi‑nima Deoso‑ka yobe‑ya owitare, mai okanawata, owa‑ya dai wataramaroni.

Roka 21:37

Yama tehe‑ya Deoso‑ka yobe‑ya Yeso mai‑ya kanawatonadi, yama soki‑ya Orifera adami‑kaya a‑amo nematane.

Roka 21:38

Yama wahabisari‑ya Deoso‑ka yobe‑ya mai dama mai kamarimanameteni, Yeso ati‑ya mai mitabonehe.

Roka 4:20

Yama hani‑ya kinikaname, hidi‑ka yo‑yose‑ya yama hani‑ya daatoname, itarimatane. Mai nafi hiwakatomematane.

Roka 5:3

Simaho‑ya Yeso haane, kanawa dori‑ya foye, Simaho‑ya hiyare, “Ai‑ya kanawa maanakihi.” Ati ne, itari, mai dama mai‑ya kanawatomatane.

Yowaho 4:34

“Yama kaba tamine ohiyari awirani. Dai tafa dai ya‑yaiteni. Owa‑ya yose‑mari ati‑nima owa ene niya, ati‑nima yama hawa·oniya, ya‑yai·oteni.” Yeso ati nemarine.

Yowaho 8:20

Deoso‑ka yobe‑ya yinero weyene wai yowi‑ya Yeso itari, mai‑ya kanawatomarine. Yeso ati‑ya mai mitiya, Yeso‑ya mai waratonabone mai atibodi ati na, Yeso aba‑bona‑ke mahi kobore ene Deoso mai‑ya maakane, Yeso‑ya mai waratoni awiramaroni.

Yowaho 8:3

Ai owa fadi maki bare‑ya dakora‑ya mai wasemaroni. Mose‑ka yama hani ati‑ya mai ka‑kamina mai toha, fariseo mai toha, mai na, fana‑ya mai kakamake, oda noko‑kaya mai hinawaamaroni.

Yeso‑ka yo‑yose mai tamine 5:21

Deoso‑ka yo‑yose ati‑ya mai mita, Deoso‑ka yobe‑ya mai tokoma, yama wahabisari‑ya mai tokiyoma, mai‑ya mai kanawatoneni. Deoso‑ka yama‑bone‑ya mai da‑daa mai‑ka hidi toha, hidi‑ka mai one toha na, mai yorotokana, Isara·eo‑ka nodi mai‑ka webote mai dami‑ya mai haana, sodado mai‑ya mai yose, “Kadeya‑ya Bedoro mai foya, mai dai towamakihi.” Mai ati namoneni.