Yowaho 8:12 - Deoso-ka Yama Hani

¹² Mai naha mai‑ya hiyare, “Bofe‑ka mai‑ka yama wahi‑nima ona ama·oni. Deoso hawine yofi·okaneni. Owati‑ya dai tokadaba yama soki‑ya mai ya‑yaka mai‑nima dai ni awira, yama wahi ihi dai abaraboneni.” Yeso ati nemarine.

Yowaho 8:12 ပူးပေါင်းရင်းမြစ်များ

Mateo 5:14

Bofe‑ka mai‑ka yama wahi‑nima na dai tohateni. Dai ene‑ya mai awiya, Deoso ati‑ya mai nofawahaboneni. Adami tati‑ya ai tabaro ita, ai tabaro‑ya mai nafi awateni.

Roka 2:32

Tika Ka‑kadika yama wahi‑nima ne, tiwa hawine‑ya Bara mai‑ya yofikanebonane. Isara·eo‑ka nodi ai toha tika ai amani. Tika Ka‑kadika ene ai ya‑yainaboneni.” Simiyaho ati nematane.

Yowaho 12:35

“Dai amoni fa‑famaraba niya, dai tabaro‑ya yama wahi tohasa naboneni. Yama wahi tohasa ni‑ya dai yakanahi. Yama soki kobonaboneni. Yama soki‑ya mai ya‑yaka mai toki‑ka yama‑ya mai watorani.

Yowaho 12:36

Yama wahi tohasa na dai nofahi. Yama wahi dai nofiya, yama wahi‑nima dai naboneni.” Yeso ati nemarine. Hiyari hawa tohe, tokome, hini‑ya kemomarine.

Yowaho 12:46

Yama wahi‑nima oneni. Owati‑ya mai no‑nofa yama soki‑ya mai yakanamarabone ihi okemaroni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 3:19

Yama wahi‑nima ne bofe‑ya kobone, bofe‑ya mai wi‑wina yama towe‑ya mai nokotonihe, yama wahi‑nima ne‑ya mai nofarani. Hini mai ihi mai manakone hasinasa neni.

Yowaho 7:17

Deoso ati dai tokadabiya, hini owati ihi owati yanara, Deoso ati ene owati yananibisa dai wataboneni.

Yowaho 9:5

Bofe‑ya owina, dai nafi‑ka yama wahi‑nima oneni, yama dai watabonehe.” Yeso ati nemarine.

Yeso‑ka yo‑yose mai tamine 13:47

Deoso oda‑ya hiyare, ati oda mite, ‘Bara mai‑ya dai toka, mai‑ka yama wahi‑nima dai naboneni. Mai manakone‑ya Yeso nanahabe tamine mai watowahabone, mai tabori dami‑ya dai ati‑ya mai nofiya, owa tabaro‑ya mai winamakeboneni.’ Deoso ati nemarine.” Baoro ati nemonane.

Yeso‑ka yo‑yose mai tamine 26:23

‘Kirisito komene kitebona, mai hinahabebona, abeya, kitamebonane. Kirisito kitami bahe, ai‑ya nakitamaharibonane. Kitame ene yama wahi‑nima Yodeo mai awa, Bara mai awa nabone, Deoso hawine‑ya mai watowahaboneni.’ Mose ati tohe, Deoso ati‑ya mai mi‑mita‑mete mai ati toha neni.” Baoro ati nemonane.

Bedoro yoto‑ke 2:17

Yama‑ya mai watora mai one‑ya mai kanawata, faha hodi hokore‑nima mai na, faha‑ya ai ati fawa, faha hodi‑ya ai toka, faha ai fawabone, faha hodi‑ka awira, faha ai fawara, ai bako hokonasa teni. Yama‑ya mai watora, ai‑ya mai kanawata, neme asawi‑nima mai na, ai‑ya mai kasomaterani. Deoso ene yama soki‑kaya mai winabisaboneni, Deoso tabaro‑ya mai winateraboneni.

Bedoro yoto‑ke 2:4

Hibati‑ya Deoso‑ka yo‑yose neme‑ya mai wina, mai one ihi amosara, mai‑ya Deoso ati somawami awire, mai‑ya weretowiti, yama soki nafi‑kaya mai‑ya yadimata, makobote mai ihi‑ya kadikebonane.

Yowaho daidi 1:6

“Deoso‑ka ama·oni.” Ai owa ati ne, ene amosanadire, keyehe‑ya hirine, Deoso‑ka tohare, yama soki‑ya winasa nane.

Yoda‑ka yama hani 1:13

Faha webote rike‑nima mai na, yama amosara‑ya mai kakama mai ihi towe tamine kaminiya, mai dama teni. Amowa sone‑nima mai na, yama soki nafe‑ya mai tabori tohawahaboneni.

Yoda‑ka yama hani 1:6

Hibati‑ya Deoso‑ka yo‑yose neme‑ya mai wina, neme‑ya mai ati winamara, Deoso ati‑nima mai namara, hini mai ihi Deoso mai‑ya barikane, koheti‑ya mai‑ya sokikane, yama soki‑kaya mai‑ya barikawame, mai‑ka koheti‑ya Deoso sotatokanire. Makobote Yeso kamataseya, mai ihi‑ya kadikeya, mai‑ya sarikanebonane.

Yeso Kirisito ene‑bona 21:24

Deoso Kaneiro Bidi mai fama, mai wahi‑ya bofe‑ka mai nafi yakanaboneni. Wami hidi webote mai‑ka yama amosa‑ya sidadi‑ya mai isonaboneni.