Yowaho 7:39 - Deoso-ka Yama Hani

³⁹ Faha webote Yeso ati ne, Deoso‑ka Doni tamine amane. Yeso bofe‑ya wineya, Deoso‑ka Doni oda‑ya sawi awisare, neme‑ya Yeso tokeya, Yeso ati oda no‑nofa Deoso‑ka Doni oda atibodi‑ya sawiwahemarine.

Yowaho 7:39 ပူးပေါင်းရင်းမြစ်များ

Mateo 16:14

“‘Yowaho Batita amane.’ Mai one ati nihi, ‘I‑di Eriya amane.’ Mai one ati nihi, ‘Yeremiya amane.’ Mai one ati nihi, ‘Deoso ati‑ya mai mi‑mita‑mete mai‑ka owa amane.’ Mai one ati nihi teni.” Oda ati namaroni.

Mateo 21:11

“Yeso Nasare‑ke amane. Deoso ati‑ya mi‑mita amane.” Mai ati namaroni.

Roka 24:49

Okobi yama‑ya daanebona ati ne, yama‑ya dai‑ya daa·onaboneni. Yerosare‑ya yama dai nimanahi. Yama koboniya, dai kitawahiya, dai tokawahaboneni.” Yeso ati nematane.

Roka 3:16

“Deoso‑ka Ka‑kadika ohi awirini. Faha‑ya dai‑ya haba·onirisabisateni. Kamaki‑bona kitabotebisa amane. Owa‑ta towebisa ama·oni. Amosabote amane. Ati ene Deoso‑ka Doni dai one‑ya sawiwahebonane. Ai nafi‑ya kadikeya, dai one‑ya sarikanebonane.

Roka 7:16

Yeso ene‑ya mai awa, mai habi siitona, Deoso‑ya mai kahiyara, “Deoso ati ene Deoso ati‑ya mi‑mita oda‑ya dabawahane, kitabote amane. Deoso‑ka ai amani, ai‑ya kasomane.” Mai ati nameteni.

Yowaho 1:21

“I‑di Eriya tihibaya?” Mai ati na, “I‑di Eriya ohi awirini.” Ati nemarine. “Deoso ati‑ya mi‑mita kakibona Deoso ati nemata, fare tihibaya?” Mai ati na, “Fara ohi awirini.” Ati nemarine.

Yowaho 1:25

“Deoso‑ka Ka‑kadika tiharihi, Eriya tiharihi, Deoso ati‑ya mi‑mita kakibona Deoso ati nemata, fare tiharihi tinamone tina, hini yamata ihi mai‑ya habatinirisiti?” Mai ati namaroni.

Yowaho 1:33

Hibati‑ya owa‑ya yose‑mari owa‑ya hiyare, ‘Deoso‑ka Doni kiseya, maki‑ya sawiya, tiaweya, tiwatowahebonane. Fare ati ene Deoso‑ka Doni mai‑ya sawibonane.’ Deoso ati ne, ati ene Yeso owatowahani.

Yowaho 12:16

Yama hani ati‑ya oda ati kadamowamamaroni. Yama hani ati oda wato kanibote ra, Yeso kitami hawa toheya, yama hani ati oda watowahamaroni.

Yowaho 12:23

“Dai‑ka Ayo neme‑ke ama·oni. Owa ene amosabote‑ya mai awaboneni. Fara yama kobo kanibote naboneni.

Yowaho 14:13

Yama onofa‑nima yama na dai nofa, owa‑ya dai haaniya, dai ati‑nima onaboneni. Owa ene‑ya mai awa, Deoso‑ya mai kahiyaraboneni.

Yowaho 14:26

Owati ihi Okobi hika Doni‑ya yosebonane. Dai‑ya kanawatoya, ati ene owati nafi‑ya dai atibodi watinawamaboneni. Deoso‑ka Doni dai‑ya kasomebonane.

Yowaho 16:14

Ati ene owa ene amosa dai watowahaboneni. Oka yama tamine‑ya kaminebonane.

Yowaho 16:7

Owati amosa dai mitahi. Okomariya, dai‑ya ka‑kasoma‑bona kami awirebonane. Okomiya, dai‑ya ka‑kasoma‑bona oyosemaboneni.

Yowaho 17:1

Oda‑ya hiyari hawa tohe, neme‑ya tonokomise, Deoso‑ya hiyare, “Abi, tiwati‑maro‑nima yama yananaboneni. Tiwati ihi owa ene amosabote‑ya mai awahi. Owa ene‑ya mai awiya, tiwa ene‑ya mai watowahaboneni.

Yowaho 17:5

Bofe‑ba awisari‑ya ai fama ai amosabote ai wehene wadamaroni. Tiwa‑ya osawimatasiya, hini owa wehene wadamaro, owa wehene wadamatasahi.

Yowaho 20:22

Makobote oda‑ya foowane, “Deoso‑ka Doni dai‑ya foyawahebonane.

Yowaho 6:14

Yeso ene kite‑ya mai awa, “Deoso ati‑ya mi‑mita kakibona yama hani ati na, fare i‑di Yeso tohe awane.” Mai ati namaroni.

Yowaho 7:12

Yeso tamine‑ya mai dama mai ibi basana, “Yeso ati amosane.” Mai one ati na, “Yeso ati kasiro, ati ene mai dami tosawariteni.” Mai one ati namaroni.

Yowaho 8:54

“Owa‑ya okahiyara‑mani, owati‑ya dai nofariya, yama sibara neni. Okobi owa‑ya kahiyarabisatene. Okobi dai‑ka Deoso‑mona dai ati teni.

Yeso‑ka yo‑yose mai tamine 19:2

“Hibati‑ya Yeso ati‑ya dai nofa yati toha, Deoso‑ka Doni dai‑ya sawiraniha?” Baoro ati ne. “Deoso‑ka Doni tamine oda mitaterani.” Mai ati na.

Yeso‑ka yo‑yose mai tamine 2:17

‘Hidi Webote kobonama‑bona‑ka mahi koboni yanatoneya, Deoso‑ka Doni dai atibodi‑ya sawi, Deoso‑ka Doni ene dai‑ka madehe Deoso ati‑ya mai kaminaboneni. Dai‑ka yetene mai toha, bote mai toha na, wada‑ya owati‑ya mai mitaboneni.

Yeso‑ka yo‑yose mai tamine 2:33

Deoso neme‑ya hiwakame, Deoso‑ka kanika‑ya itariwahe, Yeso‑ya Deoso‑ka Doni sawimari, Yeso ati ene oda atibodi‑ya sawiwahe, ene dai ati‑ya oda hiyarawahineni.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 2:4

Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Yeso‑ka yo‑yose mai tamine 3:13

Deoso‑ya Yeso na‑narifa, yara mai‑ya dai kahabanemarine, mai baahikanebonaha. I‑di Birato seehikanebona, dai ati barihine mai hinahabemari, ai‑ka idi i‑di Abaraho, i‑di Isaki, i‑di Yako mai na, mai‑ka Deoso hinakitamemarine.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito yoto‑ke 3:8

Deoso hini ati yati‑ya hikanahano ene amose, fare Deoso‑ka Doni ai atibodi‑ya ati hikanahano ene amosi ba‑basi nebonane.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.