Yowaho 7:32 - Deoso-ka Yama Hani

³² Mai ati‑ya fariseo mai mita, mai yawa, fariseo mai toha, Deoso‑ka yama‑bone‑ya mai da‑daa mai‑ka hidi mai toha, mai na, sekorasa mai‑ya mai yosemaroni, Yeso‑ya mai waratonabonehe.

Yowaho 7:32 ပူးပေါင်းရင်းမြစ်များ

Mateo 12:14

Yeso ene‑ya fariseo mai awa, mai toka, mai yorotokana, Yeso‑ya mai nanahababone, Yeso tamine‑ya mai ibi hiyarameteni.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Mateo 26:58

Yama yaki‑ya Bedoro yoto, Deoso‑ka yama‑bone‑ya mai da‑daa mai‑ka hidi webote‑ka yobe fowari barikane doro‑ya tokomaki, sekorasa eyehe itabase, Yeso tamine‑ya mitebona, “Hini yamata‑nima mai naba, Yeso‑ya mai wata?” Bedoro atibodi ati nematane.

Yowaho 11:46

Mai one fariseo mai‑ya mai toka, Yeso ene tamine‑ya mai kaminameteni.

Yowaho 12:19

Mai dami‑ya fariseo mai awa, mai ibi hiyara, “Ka! Yeso ai ati barinabone ai ati na, ai ati barihini awire, Yeso‑ya mai dami tokomake, mai dai awahi.” Fariseo mai ati namaroni.

Yowaho 18:3

Yoda sodado mai eyehe kamakimarine. Fariseo mai‑ka yo‑yose mai toha, Deoso‑ka yama‑bone‑ya mai da‑daa mai‑ka hidi‑ka sekorasa mai toha, mai na, mai sawinamaroni. Nabarina‑ya mai one aka, farao‑ya mai one aka, awa‑ya mai one aka, yima‑ya mai one aka namaroni.

Yowaho 7:30

Ati mai himite mai one yawa, Yeso‑ya mai waratonabone mai atibodi ati na, Yeso abebona‑ka mahi kobore ene Deoso mai‑ya maakane, Yeso‑ya mai waratoni awiramaroni.

Yeso‑ka yo‑yose mai tamine 5:26

Ati‑ya sodado mai‑ka hidi mite, hika sodado mai eyehe mai‑ya towamaki, “Ai ati yawiya, mai dama yati‑ya ai‑ya mai nanahababa awineni.” Sodado mai atibodi ati namoneni.