Yowaho 7:30 - Deoso-ka Yama Hani

³⁰ Ati mai himite mai one yawa, Yeso‑ya mai waratonabone mai atibodi ati na, Yeso abebona‑ka mahi kobore ene Deoso mai‑ya maakane, Yeso‑ya mai waratoni awiramaroni.

Yowaho 7:30 ပူးပေါင်းရင်းမြစ်များ

Mateo 12:14

Yeso ene‑ya fariseo mai awa, mai toka, mai yorotokana, Yeso‑ya mai nanahababone, Yeso tamine‑ya mai ibi hiyarameteni.

Mateo 21:46

Yeso‑ya mai watabone mai atibodi ati na, mai hiwati awiremarine. Mai dama mai sawe mai ihi yama yofina, Yeso Deoso ati‑ya mi‑mita amane, mai dama mai ati teni.

Maroko 11:18

Hidi mai tohara Yeso ati‑ya mai mita, Yeso ati‑ya mai nofi nafemaroni. Yeso ati‑ya mai dama mai nofa, mai ihi mai‑ka hidi Yeso‑ya mai nayofinamaroni. Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, Yeso‑ya mai nayofina, Yeso‑ya mai nanahababone mai ati namaroni.

Roka 20:19

Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, mai yawa, “Ofa‑ya mai na‑nawada mai tamine‑ya Yeso hiyare, fara oda tamine amani. Yeso ati kasirone.” Mai atibodi ati nameteni. Yeso‑ya mai watabone mai ati na, mai dama mai‑ya mai nayofina, mai maanamameteni.

Roka 22:53

Hibati‑ya mahi‑nima Deoso‑ka yobe‑ya osawe, owa‑ya dai wataramaroni. Hibayata Deoso dai‑ya ati barire, yama towe‑ka hidi‑ya Deoso ati baririhi nane.” Yeso ati nematane.

Yowaho 10:31

Yeso ati‑ya oda‑ka hidi mai mita, yati‑ya mai one yabamaroni, Yeso‑ya mai nanahababonehe.

Yowaho 10:39

Yeso‑ya mai watabone, hiniya Yeso tokemarine.

Yowaho 11:57

Deoso‑ka yama‑bone‑ya mai da‑daa mai‑ka hidi mai toha, fariseo mai toha, mai na, Yeso tamine‑ya mai hiyara, “Yeso dai awiya, tamine dai kaminaho, oda‑ya, oda watebonaha.” Mai ati nameteni.

Yowaho 7:19

Deoso‑ka yama hani‑ya i‑di Mose kanahanomata ati‑nima dai ene ra, hiniya owa‑ya dai ati nanahabineni.” Yeso ati nemarine.

Yowaho 7:32

Mai ati‑ya fariseo mai mita, mai yawa, fariseo mai toha, Deoso‑ka yama‑bone‑ya mai da‑daa mai‑ka hidi mai toha, mai na, sekorasa mai‑ya mai yosemaroni, Yeso‑ya mai waratonabonehe.

Yowaho 7:6

“Hibayata mai dama mai noki‑ya owati toki awisarani. Dai‑ya mai awabisiya, yama sibarini.

Yowaho 7:8

Mai marinabone mai‑ya dai tokabisahi. Hibayata oki awiraboneni. Hibayata mai dama mai noki‑ya owati toki nofarini.” Yeso ati nemarine.

Yowaho 8:20

Deoso‑ka yobe‑ya yinero weyene wai yowi‑ya Yeso itari, mai‑ya kanawatomarine. Yeso ati‑ya mai mitiya, Yeso‑ya mai waratonabone mai atibodi ati na, Yeso aba‑bona‑ke mahi kobore ene Deoso mai‑ya maakane, Yeso‑ya mai waratoni awiramaroni.

Yowaho 8:37

Abaraho‑ka nodi dai amani. Owati dai nofara, owa‑ya dai ati nanahabani.

Yowaho 8:59

Ati‑ya mai mita, mai yawa, yati‑ya mai yabamaroni, Yeso‑ya mai baanabonehe. Yeso hini‑ya kemo, tokemarine.

Yowaho 9:4

Yama tehe‑ya owa‑ya yose‑mari‑ka yama anini ai aninahi. Yama soki kobonabone, yama soki‑ya yama ai anirani, yama ai awararo.