Yowaho 7:3 - Deoso-ka Yama Hani

³ Yeso‑ya sohori mai hiyara, “Ayo, Yodeya‑ya tikahi, tiwati‑ya mai no‑nofa tiwa ene kitabote‑ya mai awabonehe.

Yowaho 7:3 ပူးပေါင်းရင်းမြစ်များ

Mateo 12:46

Yeso mai‑ya hiyareya, sohori mai eyehe madi kobonamaroni, Yeso‑ya mai hiyarabonehe.

Maroko 3:21

Yeso madi, Yeso sohori mai toha na, fai tamine‑ya mai mita, mai kamakemaroni, Yeso‑ya mai towakamabonehe. “Mai dama mai ihi Yeso tafare, yama‑ya watomare awane.” Mai ati namaroni.

Maroko 3:31

Yeso madi, Yeso sohori mai na, mai kamake, yobe‑kaya mai tokiyomara, nokobi‑ya mai naha, mai‑ya mai hiyara, “Yeso dai haanahi, oda tokomabonehe.” Mai ati namaroni.

Roka 8:19

Yeso madi, Yeso sohori mai na, mai kamakemeteni, Yeso‑ya mai hiyarabonehe. Mai dama mai ihi Yeso‑ya mai tokomakirameteni.

Roka 8:20

“Yeso, tika ami tika soho mai eyehe kobona, tiwa‑ya mai haana, mai nahani, yobe fowari‑ya.” Mai one ati nameteni.

Yowaho 2:2

Marina hidi oda‑ya himane, Yeso eyehe oda sawemaroni.

Yowaho 6:60

Yeso ati oda mita, “Ati bare, ati oda watorene.” Yeso‑ya oda daba oda one dama ati namaroni.

Yowaho 6:66

Yeso‑ya oda dabamaro Yeso ati‑ya oda one nofara, mai toka, Yeso‑ya mai sawimaramaroni.

Yowaho 7:10

Sohori mai toka, mai nowati‑ya Yeso oda tokomakemaroni, mai noki beheri‑ya.

Yowaho 7:4

Tiwa tamine‑ya mai nafi mitabone tina, tiwa tikahemoriyahi. Tiwa ene kitabote‑mone tina, tiwa ene‑ya mai nafi awiyahi.” Sohori mai ati namaroni.

Yowaho 7:5

Fara Yeso ati‑ya sohori mai nofi awiramaroni.

Yeso‑ka yo‑yose mai tamine 2:14

Yeso‑ka yo‑yose mai nafi naha, Bedoro ati yanane, “Tabora dami‑ka dai toha, Yodeo dai toha na, Yerosare‑ya dai wina, owati dai mitahi, yama dai watowahaboneni.