Yowaho 7:19 - Deoso-ka Yama Hani

¹⁹ Deoso‑ka yama hani‑ya i‑di Mose kanahanomata ati‑nima dai ene ra, hiniya owa‑ya dai ati nanahabineni.” Yeso ati nemarine.

Yowaho 7:19 ပူးပေါင်းရင်းမြစ်များ

Mateo 12:14

Yeso ene‑ya fariseo mai awa, mai toka, mai yorotokana, Yeso‑ya mai nanahababone, Yeso tamine‑ya mai ibi hiyarameteni.

Mateo 21:38

Hidi bidi‑ya mai awa, mai ibi hiyara, ‘Bidi ai nanahabaho. Ai nanahabeya, badi abamakiya, mai‑ka yama nafi ai kayafaboneni.’ Mai ati na,

Maroko 11:18

Hidi mai tohara Yeso ati‑ya mai mita, Yeso ati‑ya mai nofi nafemaroni. Yeso ati‑ya mai dama mai nofa, mai ihi mai‑ka hidi Yeso‑ya mai nayofinamaroni. Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, Yeso‑ya mai nayofina, Yeso‑ya mai nanahababone mai ati namaroni.

Maroko 3:4

Yeso mai‑ya hiyare, “Eme Mose‑ka yama hani ati titi? Sabado‑ya ai owa ai nakitama, ai ati kasiramone dai ati na awini. Sabado‑ya ai owa ai nanahababisa, ai sibabisaramone dai ati na awini. Dai ati yananahi.” Yeso ati ne, ati‑ya mai mita, mai ati yananami awiramaroni.

Maroko 3:6

Yeso ene‑ya fariseo mai awa, mai yawi kita, i‑di Erodi‑ka mai one‑ya mai hiyarabone mai tokamaroni, Yeso‑ya mai nanahababonehe.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 10:39

Yeso‑ya mai watabone, hiniya Yeso tokemarine.

Yowaho 11:53

Oda‑ka hidi Yeso‑ya mai ati nanahabarimanamaroni.

Yowaho 5:16

Sabado‑ya mai‑ya Yeso nakitame, Yeso‑ya mai weenamaroni.

Yowaho 5:18

Yeso ati‑ya mai mita, mai yawi nafemaroni. Sabado‑ya Yeso yama‑ya anine ene mai yawi baha, makobote Deoso‑ya Yeso Abi ne ene mai yawi kitawaha, “Yeso i‑di Deoso Bidi yokana tohi awirene.” Mai atibodi ati na, Yeso‑ya mai nanahababone mai ati nameteni.

Yowaho 5:45

Okobi‑ya dai‑ya okahabanaraboneni. Mose‑ka yama hani dai‑ya kasomabone dai ati na, Mose‑ka yama hani ati dai tokadabara, Mose‑ka yama hani dai‑ya kahabanabisaboneni.

Yowaho 7:1

Makobote Karireya‑ya Yeso yakane, Yodeya‑ya tokaremarine. Yodeya‑ya oda‑ka hidi Yeso‑ya mai ati nanahabamaroni.

Yowaho 7:25

Yeso ati‑ya mai mita, Yerosare‑ya mai wi‑wina mai one ati yanana, “Se! Maki mai sibahine mai hinahabebona, fare amanaraniha?

Yeso‑ka yo‑yose mai tamine 7:38

Tabora awiri‑ya i‑di Mose mai yorotokana, Deoso‑ka yo‑yose ati‑ya mai mitameteni. Sinai adami‑ya i‑di Mose tokomorose, Deoso‑ka yo‑yose ati himitemata, ati ai nofa, ai abarabone, ati hikanahanomata, ati ai fawaniterebonaha.

Karatiya 3:19

Hini yamata ihi i‑di Mose‑ya Deoso hiyarati? Ai ene amosara ai wato, ai ene amosara manakone ai wato, ai nabone‑ya Mose‑ya Deoso hiyarane. Ati‑ya Mose kanahanomatane. Abaraho‑ka nodi i‑di Yeso Kirisito kobonebona‑ya nimanane. Kirisito koboni awisareya, Deoso ai‑ya hiyarebona, hika yo‑yose‑ya hiyare, ati‑ya hika yo‑yose i‑di Mose‑ya hiyaramakitase, ati‑ya i‑di Mose ai‑ya hiyaramakitasematane.

Karatiya 6:13

Mai sowiri tati atori mai hinahabamaro, Mose ati nafi‑ya mai tokadabaterani. Mai ati ihi dai sowiri tati ataro dai nanahaba, hini mai‑ya mai kahiyaraboneni. “Oda ati‑ya mai nofa mai damineni. Mai dai awahi.” Mai ati naboneni.